[2527] Na ca mayhaṁ chinnaṁ hadayaṁ
atthi karuṇāpi mayhaṁ tumhesu
saggañca patthayamāno
tenāhaṁ pabbajissāmi.

[2528] Dulladdhaṁ me āsi sutasoma
yassa te ahaṁ bhariyā
yaṁ me vilapantiyā
anapekkho pabbajasi deva.
Dulladdhaṁ me āsi sutasoma
yassa te ahaṁ bhariyā
yaṁ me kucchipaṭisandhiṁ 3
1 Ma. vināsabhāvo. 2 Ma. adu te. 3 Yu. yaṁ maṁ kucchimatiṁ santiṁ.
Anapekkho pabbajasi deva.
Paripakko me gabbho kucchigato
yāva naṁ vijāyāmi
māhaṁ ekā vidhavā
pacchā dukkhāni addakkhiṁ.

[2529] Paripakko te gabbho kucchigato
iṅgha tvaṁ vijāyassu
puttaṁ anomavaṇṇaṁ
taṁ hitvā pabbajissāmi.

[2530] Mā tvaṁ cande rudi
mā soci vanatimiramattakkhi
āroha varapāsādaṁ
anapekkho ahaṁ gamissāmi.

[2531] Ko taṁ amma kopesi
kiṁ rodasi pekkhasi ca maṁ bāḷhaṁ
kaṁ avajjhaṁ ghātemi
ñātīnaṁ udikkhamānānaṁ.

[2532] Na hi so sakkā hantuṁ
vijitāvī yo maṁ tāta kopesi
pitā te maṁ tāta avaca
Anapekkho ahaṁ gamissāmi.

[2533] Yohaṁ pubbe rathena yāmi 1
uyyānaṁ mattakuñjare ca yodhemi
sutasoma pabbajite
kathaṁ nudāni karissāmi.

[2534] Mātu ca me rudantyā
jeṭṭhassa ca bhātuno akāmassa
hatthepi me gahissaṁ 2
na hi gacchasi no akāmānaṁ.

[2535] Uṭṭhehi tvaṁ dhāti
imaṁ kumāraṁ ramehi aññattha
mā me paripanthamakāsi
saggaṁ mama patthayānassa.

[2536] Yannūnimaṁ dadeyyaṁ 3 pabhaṅkaraṁ
ko nu me iminā attho
sutasome pabbajite
kiṁ nu menaṁ karissāmi.