[2477] *- sālissaro sārīputto meṇḍissaro ca kassapo
pabbato anuruddho ca kaccāyano ca devilo 1
anusisso ca ānando kīsavaccho ca kolito
(nārado udāyī thero 2 parisā buddhaparisā)
sarabhaṅgo bodhisatto 3 evaṁ dhāretha jātakanti *-.
Sarabhaṅgajātakaṁ dutiyaṁ.
--------------
3 Alambusājātakaṁ

[2478] Athābravi 4 brahā indo vatrabhū jayataṁ pitā
devakaññaṁ parābhetvā sudhammāyaṁ alambusaṁ.

[2479] Misse devā taṁ yācanti tāvatiṁsā saindakā
* Sī. potthake na dissati. 1 Ma. devalo. 2 Sī. nārado puṇṇo mantānīputto.
3 Ma. lokanātho. 4 Ma. atha bravi.
Isipalobhike 1 gaccha isisiṅgaṁ alambuse.

[2480] Purāyaṁ amhe nācceti 2 vatavā brahmacariyavā
nibbānābhirato buddho tassa maggāni āvara.

[2481] Devarāja kimeva tvaṁ mameva tuvaṁ sikkhasi
isipalobhike 3 gaccha santi aññāpi accharā.
Mādisiyo pavarā ceva asoke nandane vane
tāsaṁpi hotu pariyāyo tāpi yantu palobhikā 4 .

[2482] Addhā hi saccaṁ bhaṇasi santi aññāpi accharā
tādisiyo pavarā ceva asoke nandane vane.
Na tā evaṁ pajānanti pāricariyaṁ pumaṁ gatā
yādisaṁ tvaṁ pajānāsi nāri sabbaṅgasobhane.
Tvameva gaccha kalyāṇi itthīnaṁ pavarā casi
taveva vaṇṇarūpena vasamānāpayissasi 5 .

[2483] Navāhaṁ na gamissāmi devarājena pesitā
vabhemi cetaṁ āsāduṁ uggatejo hi brāhmaṇo.
Aneke nirayaṁ pattā isimāsādiyā janā
āpannā mohasaṁsāraṁ tasmā lomāni haṁsaye.

[2484] Idaṁ vatvāna pakkāmi accharā kāmavaṇṇinī
missā missetumicchantī 6 isisiṅgaṁ alambusā.
Sā ca taṁ vanamoggayha isisiṅgena rakkhitaṁ
1-3 Ma. isippalobhane. 2 Ma. acceti. 4 Ma. palobhanā. 5 Ma. vasamānayissasi.
Yu. vasamānāmayissasi. 6 Ma. missitumicchantī.
Bimbajālakasañchannaṁ samantā aḍḍhayojanaṁ.
Pātova pātarāsamhi udayasamayaṁ pati 1
aggiṭṭhaṁ parimajjantaṁ isisiṅgaṁ upāgami.

[2485] Kā nu vijjurivābhāsi osadhī viya tārakā
vicittahatthābharaṇā 2 āmuttamaṇikuṇḍalā.
Ādiccavaṇṇasaṅkāsā hemacandanagandhinī
saññatūru mahāmāyā kumārī cārudassanā.
Vilākā 3 mudukā suddhā pādā te suppatiṭṭhitā
gamanā kāmanīyā te harantiyeva me mano.
Anupubbā ca te ūrū nāganāsasamūpamā
vimaṭṭhā tuyhaṁ sussoṇī akkhassa phalakaṁ yathā.
Uppalasseva kiñjakkhā nābhi te sādhusaṇṭhitā
purā kaṇhañjanasseva dūrato paṭidissati.
Duvidhā jātā urajā avaṇṭā sādhupaccudā
payodharā appatītā aḍḍhalābusamā thanā.
Dīghā kambutalābhāsā gīvā eṇeyyakā yathā
paṇḍarāvaraṇā vaggu catutthamanasannibhā.
Uddhaggā ca adhaggā ca dumaggaparimajjitā
duvijā nelasambhūtā dantā tava sudassanā
apaṇḍarā lohitantā jiñjukaphalasannibhā
1 Ma. udañhasamayaṁ. 2 Sī. vicittavatthābharaṇā. 3 Ma. vilaggā.
Āyatā ca visālā ca nettā tava sudassanā.
Nātidīghā susamaṭṭhā kanakabyā 1 samocitā
uttamaṅgaruhā tuyhaṁ kesā candanagandhikā.
Yāvatā kasigorakkhā vāṇijānañca yā gati
isīnañca parakkantaṁ saññatānaṁ tapassinaṁ.
Na te samasamaṁ passe asmiṁ paṭhavimaṇḍale
ko vā tvaṁ kassa vā putto kathaṁ jānemu taṁ mayaṁ.

[2486] Na pañhakālo bhaddante kassapevaṁ gate sati
ehi samma ramissāma ubho asmākamassame
ehi taṁ upaguyhissaṁ 2 ratīnaṁ kusalo bhava.