[2457] Tato ca maghavā sakko atthadassī purindado
apucchi paṭhamaṁ pañhaṁ yañcāsi abhipatthitaṁ.
Kiṁsū vadhitvā na kadāci socati
kissappahānaṁ isayo vaṇṇayanti
1 Yu. ācariyaputto.
Kassīdha vuttaṁ pharusaṁ khametha
akkhāhi me koṇḍañña etamatthaṁ

[2458] Kodhaṁ vadhitvā na kadāci socati
makkhappahānaṁ isayo vaṇṇayanti
sabbesaṁ vuttaṁ pharusaṁ khametha
etaṁ khantiṁ uttamamāhu santo.

[2459] Sakkā ubhinnaṁ vacanaṁ titikkhituṁ
sadisassa vā seṭṭhatarassa 1 vāpi
kathaṁ nu hīnassa vaco khametha
akkhāhi me koṇḍañña etamatthaṁ.

[2460] Bhayā hi seṭṭhassa vaco khametha
sārambhahetu pana sādisassa
yo cīdha hīnassa vaco khametha
etaṁ khantiṁ uttamamāhu santo.

[2461] Kathaṁ vijaññā catumaṭṭharūpaṁ 2
seṭṭhaṁ sarikkhaṁ athavāpi hīnaṁ
virūparūpena caranti santo
tasmā hi sabbesa vaco khametha.

[2462] Na hetamatthaṁ mahatīpi senā
sarājikā yujjhamānā labhetha
1 Yu. seṭṭhanarassa. 2 Ma. catupattharūpaṁ.
Yaṁ khantimā sappuriso labhetha
khantibalassūpasamanti verā.

[2463] Subhāsitante anumodiyāna
aññantaṁ pucchāmi tadiṅgha brūhi
yathā ahū 1 daṇḍakī nālikīro 2
athajjuno kalābu cāpi rājā
tesaṁ gatiṁ brūhi supāpakamminaṁ
katthūpapannā isīnaṁ viheṭhakā.

[2464] Kīsaṁ hi vacchaṁ avakrīya daṇḍakī
ucchinnamūlo sajano saraṭṭho
kukkūlanāme nirayamhi paccati
tassa phulliṅgā nipatanti 3 kāye.
Yo saññate pabbajite aheṭhayi 4
dhammaṁ bhaṇante samaṇe adūsake
taṁ nālikīraṁ sunakhā parattha
saṅgamma khādanti viphandamānaṁ.
Athajjuno niraye sattisūle
avaṁsiro patito uddhapādo 5
aṅgīrasaṁ gotamaṁ heṭhayitvā
khantiṁ tapassiṁ cirabrahmacāriṁ.
1 Ma. ahuṁ. 2 Ma. nāḷikero. 3 Ma. phuliṅgāni patanti. 4 Yu. avañcasi.
5 Ma. uddhaṁpādo.
Yo khaṇḍaso pabbajitaṁ achedayi
khantiṁ vadantaṁ samaṇaṁ adūsakaṁ
kalābuvīciṁ upapajja paccati
mahāpatāpaṁ 1 kaṭukaṁ bhayānakaṁ.
Etāni sutvā nirayāni paṇḍito
aññāni pāpiṭṭhatarāni cettha
dhammañcare samaṇabrāhmaṇesu
evaṅkaro saggamupeti ṭhānaṁ.

[2465] Subhāsitante anumodiyāna
aññantaṁ pucchāmi tadiṅgha brūhi
kathaṁvidhaṁ sīlavantaṁ vadanti
kathaṁvidhaṁ paññavantaṁ vadanti
kathaṁvidhaṁ sappurisaṁ vadanti
kathaṁvidhaṁ no siri no jahāti.

[2466] Kāyena vācāya ca yodha 2 saññato
manasā ca kiñci na karoti pāpaṁ
na attahetu alikaṁ bhaṇāti 3
tathāvidhaṁ sīlavantaṁ vadanti.
Gambhīrapañhaṁ manasābhicintayaṁ 4
naccāhitaṁ kamma karoti luddaṁ
1 Yu. mahābhitāyaṁ. 2 Yu. yo ca. 3 Ma. bhaṇeti. 4 Sī. manasā vicintayaṁ.
Kālāgataṁ 1 atthapadaṁ na riñcati
tathāvidhaṁ paññavantaṁ vadanti.
Yo ve kataññū katavedi dhīro
kalyāṇamitto daḷhabhatti ca hoti
dukkhitassa sakkacca karoti kiccaṁ
tathāvidhaṁ sappurisaṁ vadanti.
Etehi sabbehi guṇehupeto
saddho mudu 2 saṁvibhāgī vadaññū
saṅgāhakaṁ sakhilaṁ saṇhavācaṁ
tathāvidhaṁ no siri no jahāti.