[2447] Ahamaṭṭhako bhīmaratho panāyaṁ
kāliṅgarājā pana uggatoyaṁ
susaññatānaṁ isīnaṁ 3 dassanāya
idhāgatā pucchitāyemha pañhe.

[2448] Vehāyasaṁ tiṭṭhasi 4 antalikkhe
pathaddhuno paṇṇaraseva cando
pucchāmi taṁ yakkha mahānubhāvaṁ
kathantaṁ jānanti manussaloke.

[2449] Yamāhu devesu sujampatīti
1 Ma. saindā. 2 Yu. pamādo. 3 Yu. susaññatānisinaṁ. 4 Yu. tiṭṭhati.
Maghavāti taṁ āhu manussaloke
sa devarājā idamajja patto
susaññatānaṁ isīnaṁ dassanāya.

[2450] Dūre sutā no isayo samāgatā
mahiddhikā iddhiguṇūpapannā
vandāmi te ayire pasannacitto
ye jīvalokettha manussaseṭṭhā.

[2451] Gandho isīnaṁ ciradakkhitānaṁ 1
kāyā cuto gacchati mālutena
ito paṭikkamma sahassanetta
gandho isīnaṁ asuci devarāja.

[2452] Gandho isīnaṁ ciradakkhitānaṁ 2
kāyā cuto gacchatu mālutena
vicitrapupphaṁ surabhiṁva mālaṁ
gandhañca etaṁ paṭikaṅkhāma bhante
nahettha devā paṭikkūlasaññino.

[2453] Purindado bhūtapatī yasassī
devānamindo [3]- maghavā sujampati
sa devarājā asura (gaṇa) ppamaddano
okāsamākaṅkhati pañha pucchituṁ.
1-2 Ma. ciradikkhitānaṁ. 3 Ma. sakko.
Ko nevimesaṁ idha paṇḍitānaṁ
pañhe puṭṭho nipuṇe byākarissati
tiṇṇañca raññaṁ manujādhipānaṁ
devānamindassa ca vāsavassa.

[2454] Ayaṁ isi sarabhaṅgo tapassī
yato jāto virato methunasmā
āceraputto 1 suvinītarūpo
so tesaṁ pañhāni viyākarissati.

[2455] Koṇḍañña pañhāni viyākarohi
yācanti taṁ isayo sādhurūpā
koṇḍañña eso manujesu dhammo
yaṁ vuḍḍhamāgacchati esa bhāro.

[2456] Katāvakāsā pucchantu bhonto
yaṅkiñci pañhaṁ manasābhipatthitaṁ
ahaṁ hi taṁ taṁ vo viyākarissaṁ
ñatvā sayaṁ lokamimaṁ parañca.