[2427] Adhammena tuvaṁ jamma brahmadattassa kujjhasi
yo tvaṁ sapasi rājānaṁ aparajjhitvāna attano 4 .

[2428] Dhammena brahmadattassa ahaṁ kujjhāmi brāhmaṇa
arakkhitā jānapadā adhammabalinā hatā.
1 Sī. Yu. tāta. 2 Sī. Yu. tāva. 3 Ma. kumāriyo. 4 Yu. attanā.
Rattiñha corā khādanti divā khādanti tuṇḍiyā
raṭṭhasmiṁ kūṭarājassa bahu adhammiko jano.
Sā nūna puna re pakkā vikāle bhattamāhari
bhattahāriṁ apekkhanto hato phālena sāliyo.

[2429] Evaṁ haññatu pañcālo saṅgāme asinā hato
yathāhamajja pahato khīrañca me pavattitaṁ.

[2430] Yaṁ pasu khīraṁ chaḍḍeti pasu phālaṁ 2 vihiṁsati 3
kiṁ tattha brahmadattassa yaṁ no garahate 4 bhavaṁ.

[2431] Gārayho brahme pañcālo brahmadattassa rājino
arakkhitā jānapadā adhammabalinā hatā.
Rattiñhi corā khādanti divā khādanti tuṇḍiyā
raṭṭhasmiṁ kūṭarājassa bahu adhammiko jano.
Caṇḍā ākaḍḍhanā 5 gāvī yaṁ pure na duhāmase
taṁdāni ajja dohāma khīrakāmehupaddutā.

[2432] Evaṁ kandatu pañcālo vimutto vippasukkhatu
yathāyaṁ kapaṇā gāvī vimuttā paridhāvati.

[2433] Yaṁ pasu pasupālassa sambhameyya 6 raveyya vā
konīdha aparādhatthi brahmadattassa rājino.

[2434] Aparādho mahābrahme brahmadattassa rājino
arakkhitā jānapadā adhammabalinā hatā.
1 Yu. daḷhaṁ. 2 Ma. pasupālaṁ. 3 Sī. pasupālañca hiṁsati. Yu. pasu phālañca
hiṁsati. 4 Yu. garahato. 5 Ma. aṭanakā. 6 Sī. Yu. pabbhameyya.
Rattiñhi corā khādanti divā khādanti tuṇḍiyā
raṭṭhasmiṁ kūṭarājassa bahu adhammiko jano
kathaṁ no asikosatthā khīrapā haññate pajā.

[2435] Evaṁ khajjatu pañcālo hato yuddhe saputtako
yathāhamajja khajjāmi gāmikehi 1 araññajo.

[2436] Na sabbabhūtesu vidhenti rakkhaṁ
rājāno maṇḍūka manussaloke
nettāvatā rājā adhammacārī
yaṁ tādisaṁ jīvamadeyyu dhaṅkā.