[2407] Yo putto kāsirājassa sotthisenoti taṁ vidū
tassāhaṁ sambulā bhariyā evaṁ jānāhi dānava
1 Ma. -jātikosi. 2 Ma. hisaddo natthi. 3 Ma. saṁhitūru. Sī. Yu. saññatūru.
Abhivādemi bhaddante 1 sambulāhaṁ namatthu te.
Vedehaputto bhaddante vane vasati āturo
tamahaṁ rogasammattaṁ ekā ekaṁ upaṭṭhahaṁ 2 .
Ahañca vanamuñchāya madhumaṁsaṁ migābilaṁ
yadāharāmi taṁbhakkho tassa nūnajja nādhati.

[2408] Kiṁ vane rājaputtena āturena karissasi
sambule pariciṇṇena ahaṁ bhattā bhavāmi te.
Sokaṭṭāya durattāya kiṁ rūpaṁ vijjate mama
aññaṁ pariyesa bhaddante abhirūpataraṁ mayā.
Ehimaṁ girimāruyha bhariyā mayhaṁ 3 catussatā
tāsaṁ tvaṁ pavarā hoti sabbakāmasamiddhinī.
Nanu tārakavaṇṇābhe 4 yaṅkiñci manasicchasi
sabbantaṁ pacuraṁ mayhaṁ ramassujja 5 mayā saha.
No ce tuvaṁ maheseyyaṁ sambule kārayissasi
alaṁ tvaṁ pātarāsāya pañhe bhakkhā bhavissasi.
Tañca sattajaṭo luddo kaḷāro purisādako
vane nāthaṁ apassantiṁ sambulaṁ aggahī bhuje.
Adhipannā pisācena luddenāmisacakkhunā
sā ca sattuvasampattā patimevānusocati.
Na me idaṁ tathā dukkhaṁ yaṁ maṁ khādeyya rakkhaso
1 Ma. taṁ bhante. 2 Sī. upaṭṭhahiṁ. 3 Ma. me. 4 Yu. hāṭakavaṇṇābhe.
5 Ma. ramassuvajja.
Yañca me ayyaputtassa mano hessati aññathā.
Na santi devā pavasanti nūna
na hi nūna santi idha lokapālā
sahasā karontānamasaññatānaṁ
na hi nūna santi paṭisedhitāro.

[2409] Itthīnamesā pavarā yasassinī
santā samā aggirivuggatejā
tañce tuvaṁ rakkhasādesi kaññaṁ
muddhā ca hi sattadhā te phaleyya
mā tvaṁ dahi muñca patibbatāya 1 .

[2410] Sā ca assamamāgacchi pamuttā purisādakā
niḍḍaṁ phalīnasakuṇīva 2 gatasiṅgaṁva ālayaṁ
sā tattha paridevesi rājaputtī yasassinī
sambulā utumattakkhā vane nāthaṁ apassantī.
Samaṇe brāhmaṇe vande sampannacaraṇe ise
rājaputtaṁ apassantī tumhamhi saraṇaṁ gatā.
Vande sīhe ca byagghe ca ye ca aññe vane migā
rājaputtaṁ apassantī tumhamhi saraṇaṁ gatā.
Tiṇālatāni osadhyo pabbatāni vanāni ca
rājaputtaṁ apassantī tumhamhi saraṇaṁ gatā.
1 Sī. patibbatā sā. Yu. patibbatā yā. 2 Ma. nīḷaṁ paḷinaṁ sakuṇīva.
Vande indivarīsāmaṁ rattinakkhattamāliniṁ
rājaputtaṁ apassantī tumhamhi saraṇaṁ gatā.
Vande bhāgīrathiṁ gaṅgaṁ savantīnaṁ paṭiggahaṁ
rājaputtaṁ apassantī tumhamhi saraṇaṁ gatā.
Vande ahaṁ pabbatarāja (seṭṭhaṁ) himavantaṁ siluccayaṁ
rājaputtaṁ apassantī tumhamhi saraṇaṁ gatā.

[2411] Atisāyaṁ vatāgacchi rājaputtī yasassinī
kena nujja samāgacchi ko te piyataro mayā.

[2412] Idaṁ khohaṁ tadāvocaṁ gahitā tena sattunā
na me idaṁ tathā dukkhaṁ yaṁ maṁ khādeyya rakkhaso
yañca me ayyaputtassa mano hessati aññathā.

[2413] Corīnaṁ bahubuddhīnaṁ yāsu saccaṁ sudullabhaṁ
thīnaṁ bhāvo durājāno macchassevodake gataṁ.

[2414] Tathā maṁ saccaṁ pāletu pālayissati ce mamaṁ
yathāhaṁ nābhijānāmi aññaṁ piyataraṁ tayā
etena saccavajjena byādhi te vūpasammatu.

[2415] Ye kuñjarā sattasatā uḷārā
rakkhanti rattindivamuyyutāvudhā
dhanuggahānañca satāni soḷasa
kathaṁvidhe passasi bhadde sattavo.

[2416] Alaṅkatāyo padumuttarattacā
virāgitā passati haṁsagaggarā
tāsaṁ suṇitvā mitagītavāditaṁ
nadāni me tāta tathā yathā pure.
Suvaṇṇasaṅkaccadharā suviggahā
alaṅkatā mānusiyaccharūpamā
senopiyā 1 tāta aninditaṅgiyo
khattiyakaññā paṭilobhayanti 2 naṁ.
Sace ahaṁ tāta tathā yathā pure
patiṁ tamuñchāya punā vane bhare
sammānaye maṁ na ca maṁ vimānaye
itopi me tāta tato varaṁ siyā.
Yamannapāne vipulasmi ohite
nārī vimaṭṭhābharaṇā alaṅkatā
sabbaṅgupetā patino ca appiyā
avajjha 3 tassā maraṇaṁ tato varaṁ.
Api ce daliddā kapaṇā anāḷiyā 4
kaṭādutiyā patino ca sā piyā
sabbaṅgupetāyapi appiyāya
1 Yu. senūpiyā. 2 Yu. paṭilābhayanti. 3 Ma. abajjha. Yu. ābajjha.
4 Ma. Yu. anāḷhiyā.
Ayameva seyyo 1 kapaṇāpi yā piyā.