[2417] Sudullabhitthī purisassa yā hitā
bhattitthiyā dullabho yo hito ca
hitā ca te sīlavatī [2]- bhariyā
janinda dhammaṁ cara sambulāya.

[2418] Sace tuvaṁ vipule laddhabhoge
issāvatiṇṇā maraṇaṁ upesi
ahañca te bhadde imā rājakaññā
sabbeva 3 te vacanakarā bhavāmāti.
Sambulājātakaṁ navamaṁ.
-------------
10 Bhaṇḍutiṇḍukajātakaṁ 4

[2419] Appamādo amataṁpadaṁ 5 pamādo maccuno padaṁ
appamattā na mīyanti ye pamattā yathā matā.
Madā pamādo jāyetha pamādā jāyate khayo
khayā padosā 6 jāyanti mā mado 7 bharatūsabha.
Bahū hi khattiyā jīnā atthaṁ raṭṭhaṁ pamādino
athopi gāmino gāmā anāgārā 8 agārino.
Khattiyassa pamattassa raṭṭhasmiṁ raṭṭhavaḍḍhana
sabbe bhogā vinassanti rañño taṁ vuccate aghaṁ.
1 Ma. seyyā. 2 Ma. ca. 3 Ma. sabbe. 4 Ma. gandhatindukajātakaṁ.
5 Sī. Yu. amatapadaṁ. 6 Sī. khayā ca dosā. 7 Ma. pamādo. 8 Ma. anagārā.
Nesa dhammo mahārāja ativelaṁ pamajjasi
iddhaṁ phītaṁ janapadaṁ corā viddhaṁsayanti naṁ.
Na te puttā bhavissanti na hiraññaṁ na dhāniyaṁ
raṭṭhe vilumpamānamhi sabbabhogehi jiyyasi.
Sabbabhogaparijiṇṇaṁ rājānaṁ vāpi khattiyaṁ
ñātimittā suhajjā ca na taṁ maññanti mantiyaṁ 1 .
Hatthārohā anīkaṭṭhā rathikā pattikārakā
tamevamupajīvantā na taṁ maññanti mantiyaṁ 1 .
Asaṁvihitakammantaṁ bālaṁ dummantimantinaṁ
sirī jahati dummedhaṁ jiṇṇaṁva urago tacaṁ.
Susaṁvihitakammantaṁ kāluṭṭhāyiṁ atanditaṁ
sabbe bhogābhivaḍḍhanti gāvo sausabhāmiva
upassutiṁ mahārāja raṭṭhe janapade cara
tattha disvā ca sutvā ca tato taṁ paṭipajjasi.

[2420] Evaṁ vedetu pañcālo saṅgāme saramappito 2
yathāhamajja vedemi kaṇṭakena samappito.

[2421] Jiṇṇo dubbalacakkhūsi na rūpaṁ sādhu passasi
kiṁ tattha brahmadattassa yantaṁ maggeyya 3 kaṇṭako.

[2422] Bahvettha brahmadattassa yohaṁ 4 maggasmi brāhmaṇa
1 Ma. māniyaṁ. 2 Yu. sarasamappito. 3 Yu. maggheyya. 4 Ma. sohaṁ.
Arakkhitā jānapadā adhammabalinā hatā.
Rattiñhi corā khādanti divā khādanti tuṇḍiyā
raṭṭhasmiṁ kūṭarājassa bahu adhammiko jano.
Etādise bhaye jāte 1 bhayaṭṭā tāta 2 māṇavā
nillenakāni kubbanti vane āhatva kaṇṭakaṁ.

[2423] Kadāssu nāma yaṁ rājā brahmadatto marissati
yassa raṭṭhasmi jiyyanti appatikā kumārikā.

[2424] Dubbhāsitañhi te jammi anatthapadakovide
kuhiṁ rājā kumārīnaṁ bhattāraṁ pariyesati.

[2425] Na me dubbhāsitaṁ brahme kovidatthapadā ahaṁ
arakkhitā jānapadā adhammabalinā hatā.
Rattiñhi corā khādanti divā khādanti tuṇḍiyā
raṭṭhasmiṁ kūṭarājassa bahu adhammiko jano
dujjīve dubbhare dāre kuto bhattā kumāriyā 3 .

[2426] Evaṁ sayatu pañcālo saṅgāme sattiyā hato
yathāyaṁ kapaṇo seti hato phālena sāliyo.