[2397] Icceva vākyaṁ visajji supaṇṇo
bhūmyaṁ patiṭṭhāya dijo dujivhaṁ
muttajja tvaṁ sabbabhayātivatto
thalūdake hohi mayābhigutto.
Ātaṅkinaṁ yathā kusalo bhisakko
pipāsitānaṁ rahadova sīto
vesmaṁ yathā himasītaṭṭitānaṁ 2
evampi te saraṇamahaṁ bhavāmi.

[2398] Saddhiṁ katvā amittena aṇḍajena jalābuja
vivariya dāṭhaṁ passasi 3 kuto taṁ bhayamāgataṁ.

[2399] Saṅketheva amittasmiṁ mittasmiṁpi na vissase
abhayā bhayamuppannaṁ api mūlāni kantati.
Kathaṁ nu vissase tyamhi yenāsi kalaho kato
niccayattena ṭhātabbaṁ so disabbhi na rajjati.
Vissāsaye na ca naṁ vissaseyya
asaṅkito saṅkito ca bhaveyya
1 Ma. rajjassu. 2 Yu. himasisariṭṭitānaṁ. 3 Ma. sesi.
Tathā tathā viññū parakkameyya
yathā yathā bhāvaṁ paro na jaññā.

[2400] Te devavaṇṇā 1 sukhumālarūpā
ubho samā sujayā puññakkhandhā
upāgamuṁ karampiyaṁ 2 acelaṁ
missībhūtā assavāhāva nāgā.

[2401] Tato have paṇḍarako acelaṁ
sayamevupāgamma idaṁ avoca
muttajjahaṁ sabbabhayātivatto
na hi nūna tuyhaṁ manaso piyamhā.

[2402] Piyo hi me āsi supaṇṇarājā
asaṁsayaṁ paṇḍarakena saccaṁ
so rāgaratto ca akāsi etaṁ 3
pāpakammaṁ sampajāno na mohā.

[2403] Na me piyaṁ appiyaṁ vāpi hoti
sampassato lokamimaṁ parañca
susaññatānañhi viyañjanena
asaññato lokamimaṁ carāsi.
Ariyāvakāsosi anariyova hosi 4
asaññato saññatasannikāso
1 Yu. devavaṇṇī. 2 Sī. kādambiyaṁ. Yu. kārambiyaṁ. 3 Ma. -rattova
akāsimetaṁ. 4 Ma. anariyovāsi.
Kaṇhābhijātiko 1 anarīyarūpo
pāpaṁ bahuṁ duccaritaṁ acāri.

[2404] Aduṭṭhassa tuvaṁ dubbhi dubbhī ca pisuṇo casi
etena saccavajjena muddhā te phalatu sattadhā.

[2405] Tasmā hi mittānaṁ na dubbhitabbaṁ
mittadubbhā hi 2 pāpiyo natthi añño
āsittasatto nihato paṭhabyā
indassa vākyena hi saṁvaro hatoti.
Paṇḍarakajātakaṁ aṭṭhamaṁ.
-----------------
9 Sambulājātakaṁ

[2406] Kā vedhamānā girikandarāyaṁ
ekā tuvaṁ tiṭṭhasi sañcitūru 3
puṭṭhāsi me pāṇipameyyamajjhe
akkhāhi me nāmañca bandhave ca.
Obhāsayaṁ vanaṁ rammaṁ sīhabyagghanisevitaṁ
kā vā tvamasi kalyāṇī kassa vā tvaṁ sumajjhime
abhivādemi taṁ bhadde dānavāhaṁ namatthu te.