[2377] Khiḍḍāratisamāpannaṁ anatthavasamāgataṁ
sā maṁ sakāna puttānaṁ ayācaṁ yācate dhanaṁ
sohaṁ dadāmi sārato bahuṁ uccāvacaṁ dhanaṁ
suduccajaṁ cajitvāna pacchā socāmi dummano
ubbariṁ tena dosena dajjāhaṁ dakarakkhino.

[2378] Yenocitā jānapadā ānītā ca paṭiggahaṁ
ābhaṭaṁ pararajjebhi abhiṭṭhāya bahudhanaṁ 4
dhanuggahānaṁ pavaraṁ sūraṁ tikhiṇamantinaṁ
bhātaraṁ kena dosena dajjāsi dakarakkhino.
1 Sī. Yu. accantapiyavādinī. 2 Ma. anuggatā. 3 Ma. paññavatī. 4 Ma. bahuṁ dhanaṁ.

[2379] Yenocitā 1 jānapadā ānītā ca paṭiggahaṁ
ābhaṭaṁ pararajjebhi abhiṭṭhāya bahudhanaṁ
dhanuggahānaṁ pavaro sūro tikhiṇamanti ca
mayāyaṁ 2 sukhito rājā iti maññati dārako
upaṭṭhānaṁpi me ayye na so eti yathāpure
bhātaraṁ tena dosena dajjāhaṁ dakarakkhino.

[2380] Ekarattena ubhayo tvañceva dhanusekhavā 3
ubho jātettha pañcālā sahāyā susamāvayā
cariyā taṁ anubandhittho ekadukkhasukho tava
ussukko te divārattiṁ sabbakiccesu pāvaṭo 4
sahāyaṁ kena dosena dajjāsi dakarakkhino.

[2381] Cariyā maṁ ayaṁ ayye sañjagghittho 5 mayā saha
ajjāpi tena vaṇṇena ativelaṁ sañjagghati 6
ubbariyāpihaṁ ayye mantayāmi rahogato
anāmanto pavisati pubbe appaṭivedito
laddhadvāro katokāso ahirīkaṁ anādaraṁ
sahāyaṁ tena dosena dajjāhaṁ dakarakkhino.

[2382] Kusalo sabbanimittānaṁ rudaññū 7 āgatāgamo
uppāde 8 supine yutto niyyāne ca pavesane
paṭṭho bhummantalikkhasmiṁ nakkhattapadakovido
1 Sī. ayocitā. Yu. mayācitā. 2 Sī. Yu. mayā so. 3 Ma. dhanusekha ca.
4 Ma. byāvaṭo. 5 Ma. pajagghittho. 6 Ma. pajagghati. 7 Ma. rutaññū.
8 Ma. uppāte.
Brāhmaṇaṁ kena dosena dajjāsi dakarakkhino.

[2383] Parisāyaṁpi me ayye ummilitvā udikkhati
tasmā accabhamuṁ luddaṁ dajjāhaṁ dakarakkhino.

[2384] Sasamuddapariyāyaṁ mahiṁ sāgarakuṇḍalaṁ
vasundharaṁ āvasasi amaccaparivārito
cāturanto mahāraṭṭho vijitāvī mahabbalo
paṭhabyā ekarājāsi yaso te vipulaṁ gato
soḷasitthīsahassāni āmuttamaṇikuṇḍalā
nānājanapadā nārī devakaññūpamā subhā
evaṁ sabbaṅgasampannaṁ sabbakāmasamiddhinaṁ
sukhitānaṁ piyaṁ dīghaṁ jīvitaṁ āhu khattiya
atha tvaṁ kena vaṇṇena kena vā pana hetunā
paṇḍitaṁ anurakkhanto pāṇaṁ cajasi duccajaṁ.

[2385] Yatopi āgato ayye mama hatthaṁ mahosadho
nābhijānāmi dhīrassa aṇumattaṁpi dukkaṭaṁ
sacepi kimhici kāle maraṇaṁ me pure siyā
putte ca me 1 paputte ca sukhāpeyya mahosadho
anāgataṁ paccuppannaṁ sabbamatthaṁ vipassati 2
anāparādhakammantaṁ na dajjaṁ dakarakkhino.

[2386] Idaṁ suṇātha pañcālā cūḷaneyyassa bhāsitaṁ
1 Ma. so me putte. 2 Ma. sabbamatthampi pasusati.
Paṇḍitaṁ anurakkhanto pāṇaṁ cajati duccajaṁ
mātu bhariyāya bhātu ca sakhino brāhmaṇassa ca
attano cāpi pañcālo channaṁ cajati jīvitaṁ
evaṁ mahiddhiyā 1 paññā nipuṇā sādhucintinī
diṭṭhadhammahitatthāya samparāyasukhāya cāti.
Dakarakkhasajātakaṁ sattamaṁ.
-----------
8 Paṇḍarakajātakaṁ 2