[2357] Gaṅgaṁ me pidahissanti na taṁ sakkomi brāhmaṇa
1 Ma. mahattaṁ. 2 Sī. nikkhaṁ ratta.... Yu. nikkhamimaṁ. 3 Ma. dajjā.
Apidhetuṁ mahāsindhuṁ taṁ kathaṁ so bhavissati
na te sakkomi akkhātuṁ atthaṁ dhammañca pucchito.
Bhadrakāro ca me putto oraso mama atrajo
taṁ tvaṁ atthañca dhammañca gantvā pucchassu brāhmaṇa.

[2358] Svādhippāgā bhāradvājo bhadrakārassa santikaṁ 1
tamaddasa mahābrahmā nisinnaṁ samhi vesmani.

[2359] Raññohaṁ pahito dūto korabyassa yasassino
atthaṁ dhammañca pucchesi iccabravi yudhiṭṭhilo
taṁ tvaṁ atthañca dhammañca bhadrakāra pabrūhi 2 me.

[2360] Maṁsakājaṁ 3 avahāya godhaṁ anupatāmahaṁ
na te sakkomi akkhātuṁ atthaṁ dhammañca pucchito.
Sañjayo 4 nāma me bhātā kaniṭṭho me sucīrata
taṁ tvaṁ atthañca dhammañca gantvā pucchassu brāhmaṇa.

[2361] Svādhippāgā bhāradvājo sañjayassa upantikaṁ
tamaddasa mahābrahmā nisinnaṁ samhi parisati 5 .

[2362] Raññohaṁ pahito dūto korabyassa yasassino
atthaṁ dhammañca pucchesi iccabravi yudhiṭṭhilo
taṁ tvaṁ atthañca dhammañca sañjayakkhāhi pucchito.

[2363] Sadā maṁ gilate maccu sāyaṁ pāto sucīrata
na te sakkomi akkhātuṁ atthaṁ dhammañca pucchito.
1 Ma. bhadrakārassupantikaṁ. 2 Sī. Yu. bravīhi. 3 Yu. maṁsakācaṁ. 4 Ma.
sañcayo. 5 Ma. vesmani
Sambhavo nāma me bhātā kaniṭṭho me sucīrata
taṁ tvaṁ atthañca dhammañca gantvā pucchassu brāhmaṇa.

[2364] Abbhūto vata bho dhammo nāyaṁ asmāka ruccati
tayo janā pitāputtā te 1 su paññāya no vidū.
Na taṁ sakkotha akkhātuṁ atthaṁ dhammañca pucchitā
kathaṁ nu daharo jaññā atthaṁ dhammañca pucchito.

[2365] Mā naṁ daharoti maññāsi 2 apucchitvāna sambhavaṁ
pucchitvā sambhavaṁ jaññā atthaṁ dhammañca brāhmaṇa.
Yathāpi cando vimalo gacchaṁ ākāsadhātuyā
sabbe tāragaṇe loke ābhāya atirocati.
Evampi daharūpeto paññāyogena sambhavo
mā naṁ daharoti maññāsi apucchitvāna sambhavaṁ
pucchitvā sambhavaṁ jaññā atthaṁ dhammañca brāhmaṇa.
Yathāpi rammako māso gimhānaṁ hoti brāhmaṇa
atevaññehi māsehi dumapupphehi sobhati.
Evampi daharūpeto paññāyogena sambhavo
mā naṁ daharoti maññāsi apucchitvāna sambhavaṁ
pucchitvā sambhavaṁ jaññā atthaṁ dhammañca brāhmaṇa.
Yathāpi himavā brahme pabbato gandhamādano
nānārukkhehi sañchanno mahābhūtagaṇālayo
1 Ma. tesu. 2 Ma. uññāsi evamuparipi.
Osadhehi ca dibbehi disā bhāti pavāti ca.
Evampi daharūpeto paññāyogena sambhavo
mā naṁ daharoti maññāsi apucchitvāna sambhavaṁ
pucchitvā sambhavaṁ jaññā atthaṁ dhammañca brāhmaṇa.
Yathāpi pāvako brahme accimālī yasassimā
jalamāno vane gacche 1 analo kaṇhavattanī.
Ghatāsano dhūmaketu uttamāhevanandaho
nissive 2 pabbataggasmiṁ bahutejo virocati.
Evampi daharūpeto paññāyogena sambhavo
mā naṁ daharoti maññāsi apucchitvāna sambhavaṁ
pucchitvā sambhavaṁ jaññā atthaṁ dhammañca brāhmaṇa.
Javena bhadraṁ jānanti balibaddhañca 3 vāhiye
dohena dhenuṁ jānanti bhāsamānañca paṇḍitaṁ.
Evampi daharūpeto paññāyogena sambhavo
mā naṁ daharoti maññāsi apucchitvāna sambhavaṁ
pucchitvā sambhavaṁ jaññā atthaṁ dhammañca brāhmaṇa.

[2366] Svādhippāgā bhāradvājo sambhavassa upantikaṁ
tamaddasa mahābrahmā kīḷamānaṁ bahīpure.