[2347] Bhayaṭṭitā 1 nāgavadhena aṭṭā
ye te nāgā aṭṭha disā vidhāvuṁ
adisvāna 2 posaṁ gajapaccamittaṁ
paccāgamuṁ yena so nāgarājā.

[2348] Te tattha kanditvā roditvāna 3 nāgā
sīse sake paṁsukaṁ okiritvā
āgamiṁsu te sabbe sakaṁ niketaṁ
purakkhatvā mahesiṁ sabbabhaddaṁ.

[2349] Ādāya dantāni gajuttamassa
vaggū subhe appaṭime paṭhabyā
suvaṇṇarājīhi samantamodare
so luddako kāsipuraṁ upāgami
upanesi so rājakaññāya dante
nāgo hato handa imassa dantā.

[2350] Disvāna dantāni gajuttamassa
bhattu piyassa 4 purimāya jātiyā
tattheva tassā hadayaṁ aphāli
1 Sī. Yu. bhayadditā. 2 Sī. Yu. adisvā. 3 Sī. Yu. roditvā. 4 Ma.
bhattuppiyassa.
Teneva sā kālamakāsi bālā.

[2351] Sambodhipatto ca 1 mahānubhāvo
sītaṁ akāsī 2 parisāya majjhe
pucchiṁsu bhikkhū suvimuttacittā
nākāraṇe pātukaronti buddhā.
Yamaddasātha dahariṁ kumāriṁ
kāsāvavatthaṁ anagāriyaṁ carantiṁ
sā kho tadā rājakaññā ahosi
ahaṁ tadā nāgarājā ahosiṁ.
Ādāya dantāni gajuttamassa
vaggū subhe appaṭime paṭhabyā
yo luddako kāsipuraṁ upāgami
so kho tadā devadatto ahosi.
Anāvasūraṁ cirarattasaṁsitaṁ
uccāvacaṁ caritamidaṁ purāṇaṁ
vītaddaro vītasoko visallo
sayaṁ abhiññāya abhāsi buddho.
Ahaṁ vo tena kālena ahosiṁ tattha bhikkhavo
nāgarājā tadāhosiṁ 3 evaṁ dhāretha jātakanti.
Chaddantajātakaṁ catutthaṁ.
1 Ma. sa. 2 Ma. sitaṁ akāsi. 3 Ma. tadā homi.
5 Sambhavajātakaṁ

[2352] Rajjañca paṭipannasmā ādhipaccaṁ sucīrata
mahantaṁ 1 pattumicchāmi vijetuṁ paṭhaviṁ imaṁ.
Dhammena no adhammena adhammo me na ruccati
kiccova dhammo carito rañño hoti sucīrata.
Idha cevāninditā yena pecca yena aninditā
yasaṁ devamanussesu yena pappomu brāhmaṇa.
Yohaṁ atthañca dhammañca kattumicchāmi brāhmaṇa
taṁ tvaṁ atthañca dhammañca brāhmaṇakkhāhi pucchito.

[2353] Nāññatra vidhurā rāja tadakkhātumarahati
yaṁ tvaṁ atthañca dhammañca kattumicchasi khattiya.

[2354] Ehi kho pahito gaccha vidhurassa upantikaṁ
nikkhañcimaṁ 2 suvaṇṇassa haraṁ gaccha sucīrata
abhihāraṁ imaṁ dajja 3 atthadhammānusiṭṭhiyā.

[2355] Svādhippāgā bhāradvājo vidhurassa upantikaṁ
tamaddasa mahābrahmā asamānaṁ sake ghare.

[2356] Raññohaṁ pahito dūto korabyassa yasassino
atthaṁ dhammañca pucchesi iccabravi yudhiṭṭhilo
taṁ tvaṁ atthañca dhammañca vidhurakkhāhi pucchito.