[2327] Kinnu socasinuccaṅgī paṇḍusī 1 varavaṇṇinī
milāyasi visālakkhī mālāva parimadditā.

[2328] Dohaḷo me mahārāja supinantenupaccagā 2
na so sulabharūpova yādiso mama dohaḷo.

[2329] Yekeci mānusā kāmā idha lokasmi nandane
sabbe te pacurā mayhaṁ ahante dammi dohaḷaṁ.

[2330] Luddā deva samāyantu yekeci vijite tava
etesaṁ ahamakkhissaṁ yādiso mama dohaḷo.

[2331] Ime te luddakā devi katahatthā visāradā
vanaññū ca migaññū ca mamatthe 3 cattajīvitā.

[2332] Luddaputtā nisāmetha yāvantettha samāgagā
chabbisāṇaṁ gajaṁ setaṁ addasaṁ supine ahaṁ.
Tassa dantehi me attho alābhe natthi jīvitaṁ.
1 Ma. paṇḍūsi. 2 Ma. -pajjhagā. 3 Yu. mama te.

[2333] Na no pitūnaṁ na pitāmahānaṁ
diṭṭho suto kuñjaro chabbisāṇo
yamaddasa 1 supine rājaputtī
akkhāhi no yādiso hatthināgo.

[2334] Disā catasso vidisā catasso
uddhaṁ adho dasa disā imāyo
katamaṁ disaṁ tiṭṭhati nāgarājā
yamaddasa 2 supine chabbisāṇaṁ.

[2335] Ito ujuṁ uttarāyaṁ disāyaṁ
atikkamma so satta girī brahante
suvaṇṇapasso nāma giri uḷāro
saṁpupphito 3 kiṁpurisānuciṇṇo.
Āruyha selaṁ bhavanaṁ kinnarānaṁ
olokaya pabbatapādamūlaṁ
atha dakkhasī meghasamānavaṇṇaṁ
nigrodharājaṁ aṭṭhasahassapādaṁ 4 .
Tatthacchati kuñjaro chabbisāṇo
sabbaseto duppasaho parebhi
rakkhanti naṁ aṭṭhasahassanāgā
īsādantā vātajavappahārino.
1-2 Ma. yamaddasā. 3 Ma. supupphito. 4 Ma. atha sahassapādaṁ.
Tiṭṭhanti te tumūlamassasantā 1
kuppanti vātassapi eritassa
manussabhūtaṁ pana tattha disvā
bhasmaṁ kareyyuṁ nāssa rajopi tassa.

[2336] Bahū hi me rājakulamhi santi
pilandhanā jātarūpassa devi
muttā maṇī veḷuriyāmayā ca
kiṁ kāhasi dantapilandhanena
māretukāmā kuñjaraṁ chabbisāṇaṁ
udāhu ghātessasi luddaputte.