[2307] Addhā hi tāta satānesa dhammo
maraṇā ca me dukkhataraṁ tadassa
kammāsapādo taṁ yadā pacitvā
pasayha khāde bhidārukkhamūle.

[2308] Pāṇena te pāṇamahaṁ nimissaṁ
mā tvaṁ agā porisādassa ñante 6
1-6 Ma. ñatte. 2 Ma. pāva. 3 Ma. niccheyyaṁ. 4 Ma. va. 5 Ma. sandhiñca.
Etañca te pāṇamahaṁ nimissaṁ
tasmā mataṁ jīvitassa vaṇṇemi 1 .

[2309] Tato have dhītimā rājaputto
vanditvā mātuñca pituñca 2 pāde.
Dukkhinissa mātā nipatī 3 paṭhabyā
pitassa paggayha bhujāni kandati.

[2310] Taṁ gacchantaṁ tāva pitā viditvā
parammukho vandati pañjalīko
somo ca rājā varuṇo ca rājā
pajāpatī candimā sūriyo ca
etehi gutto purisādakamhā
anuññāto sotthi paccehi tāta.

[2311] Yaṁ daṇḍakirañño gatassa 4 mātā
rāmassakāsi sotthānaṁ suguttā
tante ahaṁ sotthānaṁ karomi
etena saccena sarantu devā
anuññāto sotthi paccehi putta.

[2312] Āvī rahovāpi manopadosaṁ
nāhaṁ sare jātumalīnasatte
etena saccena sarantu devā
1 Sī. varemi. 2 Sī. Yu. vandittha mātucca pitucca. Ma. - mātu ca pitu ca.
3 Ma. nipatā. 4 Yu. - daṇḍakāraññagatassa.
Anuññāto sotthi paccehi bhātā 1 .

[2313] Yasmā ca me anadhimanosi sāmi
na cāpi me manasā appiyosi
etena saccena sarantu devā
anuññāto sotthi paccehi sāmi.

[2314] Brahā ujū cārumukho kutosi
na maṁ pajānāsi vane vasantaṁ
luddaṁ maṁ ñatvā purisādakoti
ko sotthimājānamidhāvajeyya.

[2315] Jānāmi ludda purisādako tvaṁ
na taṁ na jānāmi vane vasantaṁ
ahañca puttosmi jayaddisassa
mamajja khāda pituno pamokkhā.

[2316] Jānāmi puttosi 2 jayaddisassa
tathāhi vo mukhavaṇṇo ubhinnaṁ
sudukkarañceva 3 kataṁ tavedaṁ
yo mattumicche pituno pamokkhā.