[2297] Pañcālarājā migavaṁ paviṭṭho
jayaddiso nāma yadi suto te
carāmi kacchāni vanāni cāhaṁ
pasadaṁ imaṁ khāda mamajja muñca.

[2298] Seneva tvaṁ paṇasi sayhamāno 1
mamesa bhakkho pasado yaṁ vadesi
taṁ khādiyāna pasadaṁ jighaññaṁ
khādissaṁ pacchā na vilāpakālo.

[2299] Na catthi mokkho mama nikkayena 2
gantvāna paccāgamanāya pañhe
1 Sī. Ma. sassamāno. 2 Sī. vikkayena.
Taṁ saṅgaraṁ brāhmaṇasappadāya
saccānurakkhī punarāvajissaṁ.

[2300] Kiṁ kammajātaṁ anutappate taṁ
pattaṁ samīpaṁ maraṇassa rāja
ācikkha me taṁ api sakkuṇemu
anujāyituṁ āgamanāya pañhe.

[2301] Katā mayā brāhmaṇassa dhanāsā
taṁ saṅgaraṁ paṭimokkaṁ na muttaṁ
taṁ saṅgaraṁ brāhmaṇasappadāya
saccānurakkhī punarāvajissaṁ.

[2302] Yā te katā brāhmaṇassa dhanāsā
taṁ saṅgaraṁ paṭimokkaṁ na muttaṁ
taṁ saṅgaraṁ brāhmaṇasappadāya
saccānurakkhī punarāvajassu.

[2303] Mutto ca so porisādassa hatthā
gantvā sakaṁ mandiraṁ kāmakāmī
taṁ saṅgaraṁ brāhmaṇasappadāya
āmantayī puttamalīnasattuṁ 1 .
Ajjeva rajjaṁ abhisecayassu 2
dhammañca raṭṭhesu janesu 3 cāpi
1 Ma. -satataṁ. 2 Ma. abhisiñcayassu. 3 Ma. dhammaṁ cara sesu paresu -.
Adhammakāro ca te māhu raṭṭhe
gacchāmahaṁ porisādassa ñante 1 .

[2304] Kiṁ kamma kubbaṁ tava deva pāde 2
nārādhayiṁ taṁ tadicchāmi sotuṁ
yamajja rajjamhi udassaye tuvaṁ
rajjaṁpi niccheyya 3 tayā vināhaṁ.

[2305] Na kammunā vā vacasā ca 4 tāta
aparādhitohaṁ tuviyaṁ sarāmi
saddhiñca 5 katvā purisādakena
saccānurakkhī punahaṁ gamissaṁ.

[2306] Ahaṁ gamissāmi idheva hohi
natthi tato jīvato vippamokkho
sace tuvaṁ gacchasiyeva rāja
ahaṁpi gacchāmi ubho na homa.