[2287] Yaṁ tvaṁ pati nisinnosi rammaṁ brāhmaṇa kosikiṁ
sāhaṁ bhūsālayā vutthā varavārivahoghasā.
Nānādumagaṇākiṇṇā bahukā girikandarā
mameva pamukhā honti abhisandanti pāvuse.
Atho bahū vanatodā nīlavārivahindharā
bahukā nāgacittodā abhisandanti vārinā.
Tā ambajambulabujā nipātālamudumbarā 3
bahūni phalajātāni āvahanti abhiṇhaso.
Yaṅkiñci ubhato tīre phalaṁ patati ambuni
asaṁsayantaṁ sotassa phalaṁ hoti vasānugaṁ.
Etadaññāya medhāvī puthupañña suṇohi me
mā rocaya abhisaṅgaṁ paṭisedha janādhipa.
Na vāhaṁ vaḍḍhavaṁ maññe yaṁ tvaṁ raṭṭhābhivaḍḍhana
āceyyamāno rājisi maraṇaṁ abhikaṅkhasi.
Tassa jānanti pitaro gandhabbāva 4 sadevakā
1 Ma. ruppapaṭṭapalimaṭṭhīva. 2 Ma. devesu gandhabbamanussaloke.
3 Ma. nipā tālā cudumbarā. 4 Ma. gandhabbā ca.
Ye cāpi isayo loke saññatattā tapassino
asaṁsayantepi jānanti paṭṭhabhūtā 1 yasassino.

[2288] Evaṁ viditvā vidū sabbadhammaṁ
niddhaṁsanaṁ cavanaṁ jīvitassa
na cīyatī tassa narassa pāpaṁ
sace na ceteti vadhāya tassa.
Isipūgasamaññāte evaṁ lokyā viditā pati 2
anariyaṁ parisambhāse pāpakammaṁ jigiṁsasi.
Sace ahaṁ marissāmi tīre te puthusussoṇi
asaṁsayantaṁ asiloko mayi pete āgamissati.
Tasmāhi pāpakaṁ kammaṁ rakkhassu ca 3 sumajjhime
mā tvaṁ 4 sabbo jano pacchā pakvakkhāsi mayī 5 mate.

[2289] Aññātametaṁ avisayhasāhi
attānamambañca dadāmi te taṁ
yo 6 duccaje kāmaguṇe pahāya
santiñca dhammañca adhiṭṭhitosi.
Yo hitvā pubbasaññogaṁ pacchāsaññojane ṭhito
adhammañceva carati pāpañcassa pavaḍḍhati.
Ehi taṁ pāpayissāmi kāmaṁ appossuko bhava
upānayāmi sītasmiṁ viharāhi anussuko.
1 Sī. Yu. vaddhabhūtā. 2 Ma. sati. 3 Ma. rakkhasseva. 4 Ma. taṁ.
5 Ma. pakuṭṭhāsi mayi. 6 Ma. so.
Taṁ puppharasamattehi vaṅkaṅgehi arindama
koñcā mayūrā diviyā koyaṭṭhimadhusāliyā 1
kūjitā haṁsapūgebhi kokilettha pabodhare.
Ambettha vippasūnaggā 2 palālakhalasannibhā
kosumbasalaḷānīpā 3 pakkatālavilambino.

[2290] Mālī tirīṭī kāyurī aṅgadī candanussado 4
rattiṁ tvaṁ paricāresi divā vedesi vedanaṁ.
Soḷasitthīsahassāni yā temā paricārikā
evaṁ mahānubhāvosi abbhūto lomahaṁsano.
Kiṁ kammamakari pubbe pāpaṁ attadukhāvahaṁ
yaṁ karitvā manussesu piṭṭhimaṁsāni khādasi.

[2291] Ajjhenāni paṭiggayha kāmesu giddhito 5 ahaṁ
acariṁ dīghamaddhānaṁ paresaṁ ahitāyahaṁ.
Yo piṭṭhimaṁsiko hoti evaṁ ukkacca khādati
yathāhamajja khādāmi piṭṭhimaṁsāni attanoti.
Kiṁchandajātakaṁ paṭhamaṁ.
-------
2 Kumbhajātakaṁ

[2292] Ko pāturāsī tidivā nabhamhi
obhāsayaṁ saṁvariṁ candimāva
1 Ma. kolaṭṭhimadhusāḷikā. 2 Ma. vippasākhaggā. 3 Ma. kosambasaḷalā nīpā.
4 Sī. candanassado. 5 Ma. gadhito. Sī. Yu. gathito.
Gattehi te rasmiyo niccharanti
sateratā 1 vijjurivantalikkhe.
So chinnavātaṁ kamasi aghamhi
vehāyasaṁ gacchasi tiṭṭhasi ca
iddhī nu te vatthukatā subhāvitā
anaddhagūnamasi devatānaṁ.
Vehāyasaṁ kammāgamma 2 tiṭṭhasi
kumbhaṁ kiṇāthāti yametamatthaṁ
ko vā tuvaṁ kissa vatāyaṁ 3 kumbho
akkhāhi me brāhmaṇa etamatthaṁ.

[2293] Na sappikumbho napi telakumbho
na phāṇitassa na madhussa kumbho
kumbhassa vajjāni anappakāni
dose bahū kumbhagate suṇātha.
Galeyya yaṁ pitvā pate papātaṁ
sobbhaṁ guhaṁ candaniyoligallaṁ
bahuṁpi bhuñjeyya abhojaneyyaṁ
tassā puṇṇaṁ kumbhamimaṁ kiṇātha.
Yaṁ pitvā 4 cittasmiṁ anesamāno
āhiṇḍati goriva bhakkhasārī 5
1 Sī. sateritā. 2 Ma. gammamāgamma. 3 Ma. kissa vā tāya.
4 Sī. yaṁ ve pitvā. 5 Sī. bhakkhasādī.
Anāthamāno upagāyati naccati ca
tassā puṇṇaṁ kumbhamimaṁ kiṇātha.
Yaṁ ve pivitvā acelova naggo
careyya gāme visikhantarāni
sammuḷhacitto ativelasāyī
tassā puṇṇaṁ kumbhamimaṁ kiṇātha.
Yaṁ pitvā uṭṭhāya pavedhamāno
sīsañca bāhuñca pacālayanto
so naccatī dārukaṭallakova
tassā puṇṇaṁ kumbhamimaṁ kiṇātha.
Yaṁ ve pivitvā aggidaḍḍhā sayanti
atho sigālehipi khāditāse
bandhaṁ 1 vacanaṁ bhogajāniñcupenti
tassā puṇṇaṁ kumbhamimaṁ kiṇātha.
Yaṁ pitvā bhāseyya abhāsaneyyaṁ
sabhāyamāsīno apetavattho
sammakkhito vantagato byasanno
tassā puṇṇaṁ kumbhamimaṁ kiṇātha.
Yaṁ ve pivitvā ukkaṭṭho āvilakkho
mameva sabbā paṭhavīti maññe 2
1 Ma. vadhaṁ. 2 Sī. maññati.
Na me samo cāturantopi rājā
tassā puṇṇaṁ kumbhamimaṁ kiṇātha.
Mānātimānā kalahāni pesuṇī
dubbaṇṇinī naggayinī palāyinī
porāṇadhuttāna 1 gatī niketo
tassā puṇṇaṁ kumbhamimaṁ kiṇātha.
Iddhāni phītāni kulāni assu
anekasāhassadhanāni loke
ucchinnadāyajjakatānimāya
tassā puṇṇaṁ kumbhamimaṁ kiṇātha.
Dhaññaṁ dhanaṁ rajataṁ jātarūpaṁ
khettaṁ gavaṁ yattha vināsayanti
ucchedanī vittagataṁ 2 kulānaṁ
tassā puṇṇaṁ kumbhamimaṁ kiṇātha.
Yaṁ ve pitvā dittarūpova 3 poso
akkosati pitaraṁ mātarañca
sassuṁpi gaṇheyya athopi suṇhaṁ
tassā puṇṇaṁ kumbhamimaṁ kiṇātha.
Yaṁ ve pitvā dittarūpāva nārī
akkosati sassuraṁ sāmikañca
1 Ma. corāna dhuttāna. 2 Ma. vittavataṁ. 3 Sī. duṭṭharūpova.
Dāsampi gaṇhe paricārikampi
tassā puṇṇaṁ kumbhamimaṁ kiṇātha.
Yaṁ ve 1 pitvāna haneyya poso
dhamme ṭhitaṁ samaṇaṁ brāhmaṇaṁ vā
gacche apāyaṁpi tatonidānaṁ
tassā puṇṇaṁ kumbhamimaṁ kiṇātha.
Yaṁ ve pitvā duccaritaṁ caranti
kāyena vācāya ca cetasā ca
nirayaṁ vajanti duccaritaṁ caritvā
tassā puṇṇaṁ kumbhamimaṁ kiṇātha.
Yaṁ yācamānā na labhanti pubbe
bahuṁ hiraññaṁpi pariccajantā
so taṁ pivitvā alikaṁ bhaṇāti
tassā puṇṇaṁ kumbhamimaṁ kiṇātha.
Yaṁ ve pitvā pesane pesiyanto
accāyike karaṇīyamhi jāte
atthampi so nappajānāti vutto
tassā puṇṇaṁ kumbhamimaṁ kiṇātha.
Hirīmanāpi ahirīkabhāvaṁ
pātuṁ karonti madanāya 2 mattā
1 Yu. yañca. 2 Yu. madirāya.
Dhīrāpi santā bahukaṁ bhaṇanti
tassā puṇṇaṁ kumbhamimaṁ kiṇātha.
Yaṁ ve pitvā ekathūpā sayanti
anāsakā thaṇḍiladukkhaseyyaṁ
dubbaṇṇiyaṁ āyasakyañcupenti
tassā puṇṇaṁ kumbhamimaṁ kiṇātha.
Yaṁ ve pitvā pattakkhandhā sayanti
gāvo kūṭahatāriva 1 na hi vāruṇiyā
vego narena sussahoriva
tassā puṇṇaṁ kumbhamimaṁ kiṇātha.
Yaṁ *- manussā vivajjanti sappaṁ
ghoravisamiva taṁ loke visasamānaṁ
ko naro pātumarahati *-
tassā puṇṇaṁ kumbhamimaṁ kiṇātha 2 .
Yaṁ ve pitvā andhakaveṇḍaputtā
samuddatīre paricārayantā
upakkamuṁ musalehaññamaññaṁ
tassā puṇṇaṁ kumbhamimaṁ kiṇātha.
Yaṁ ve pitvā pubbadevā pamattā
tidivā cutā sassatiyā samāyā 3
1 Ma. kuṭahatāva.
* * Ma. yaṁ manussā vivajjenti sappaṁ ghoravisammiva
taṁ loke visasamānaṁ ko naro pātumaharati.
2 Ma. ime pāṭhā natthi. 3 Ma. samāya.
Taṁ tādisaṁ majjamimaṁ niratthakaṁ
jānaṁ mahārāja kathaṁ piveyya.
Nayimasmi kumbhasmiṁ dadhi [1]- madhu vā
evaṁ abhiññāya kiṇāhi rāja
evañhi maṁ kumbhagatā mayā te
akkhātarūpaṁ tava sabbamittā.

[2294] Na me pitā vā athavāpi mātā
etādiso yādisako tuvaṁsi
hitānukampī paramatthakāmo
sohaṁ karissaṁ vacanaṁ tavajja.
Dadāmi te gāmavarāni pañca
dāsīsataṁ satta gavaṁsatāni
ājaññayutte ca rathe dasa ime
ācariyo hosi mamatthakāmo.

[2295] Taveva dāsīsatamatthu rāja
gāmā ca gāvo ca taveva hontu
ājaññayuttā ca rathā taveva
sakkohamasmī tidasānamindo.
Maṁsodanaṁ sappipāyāsaṁ 2 bhuñja
khādassu ca tvaṁ madhumāsapūve
1 Ma. vā. 2 Sī. sappipāyañca.
Evaṁ tuvaṁ dhammarato janinda
anindito saggamupehi ṭhānanti.
Kumbhajātakaṁ dutiyaṁ.
-----------
3 Jayaddisajātakaṁ

[2296] Cirassaṁ vata me udapādi ajja
bhakkho mahā sattamibhattakāle
kutosi ko vāsi tadiṅgha brūhi
ācikkha jātiṁ vidito yathāsi.