[2267] Issāsino katahatthāpi vīrā 1
dūrepātī akkhaṇavedhinopi
na maccuno vijjhitumussahanti
tamme matī hoti carāmi dhammaṁ.

[2268] Sarāni khīyanti saselakānanā
sabbaṁpi taṁ 2 khīyati dīghamantaraṁ
sabbaṁ hi taṁ 3 bhañjare kālapariyāyaṁ
tamme matī hoti carāmi dhammaṁ.

[2269] Sabbesamevaṁ hi narīnarānaṁ 4
calācalaṁ pāṇabhunodha jīvitaṁ
paṭova dhuttassa dumova kūlajo
tamme matī hoti carāmi dhammaṁ.

[2270] Dumapphalāneva patanti māṇavā
daharā ca vuḍḍhā ca sarīrabhedā
nāriyo narā majjhimaporisā ca
tamme matī hoti carāmi dhammaṁ.

[2271] Nāyaṁ vayo tārakarājasannibho
1 Sī. Yu. dhīrā. 2-3 Ma. sabbaṁ hidaṁ. 4 Ma. narānanārinaṁ. Yu. narānarīnaṁ.
Yadabbhatītaṁ gatamevadāni taṁ
jiṇṇassa hī natthi ratī kuto sukhaṁ
tamme matī hoti carāmi dhammaṁ.

[2272] Yakkhā pisācā athavāpi petā
kuppitā 1 te assasanti manusse
na maccuno assasitumussahanti
tamme matī hoti carāmi dhammaṁ.

[2273] Yakkhe pisāce athavāpi pete
kuppitepi te nijjhapanaṁ karonti
na maccuno nijjhapanamussahanti 2
tamme matī hoti carāmi dhammaṁ.

[2274] Aparādhake dūsake heṭhake ca
rājāno daṇḍenti viditvāna dosaṁ
na maccuno daṇḍayitumussahanti 3
tamme matī hoti carāmi dhammaṁ.

[2275] Aparādhakā dūsakā heṭhakā ca
labhanti te rājāno nijjhapetuṁ
na maccuno nijjhapanaṁ karonti
tamme matī hoti carāmi dhammaṁ.

[2276] Na khattiyopi na ca brāhmaṇopi
1 Ma. kupitā te. Sī. Yu. kupitāpi te. 2 Ma. nijjhapanaṁ karonti.
3 Ma. ḍaṇḍayitussahanti.
Na aḍḍhakā balavā tejavāpi
na maccurājassa apekkhamatthi
tamme matī hoti carāmi dhammaṁ.