[2247] Vedā na saccā na ca vittalābho
na puttalābhena jaraṁ vihanti
1 Yu. bhāradharaṁ. 2 Ma. paṭicchadaṁ. 3 Ma. paccanubhuyya.
Gandhe rase muccanamāhu santo
sakammunā 1 hoti phalūpapatti.

[2248] Addhā hi saccaṁ vacanaṁ tavetaṁ
sakammunā 2 hoti phalūpapatti
jiṇṇā ca mātāpitaro tavayime 3
passeyyu taṁ vassasataṁ arogyaṁ 4 .

[2249] Yassassu sakkhī maraṇena rāja
jarāya mittī 5 naravīra seṭṭha
yo cāpi jaññā na marissaṁ kadāci
passeyyu taṁ vassasataṁ arogyaṁ 6 .
Yathāpi nāvaṁ purisodakamhi
ereti cenaṁ upaneti tīraṁ
evaṁpi byādhi satataṁ jarā ca
upaneti maccuvasamantakassa 7 .

[2250] Paṅko ca kāmā palipo ca kāmā
manoharā duttarā maccudheyyā
etasmiṁ paṅke palipe visannā 8
hīnattarūpā na taranti pāraṁ.
Ayaṁ pure luddamakāsi kammaṁ
svāyaṁ gahīto na hi mokkhito me
1-2 Sī. Yu. sakammanā. 3 Ma. tavime. Sī. taveme. 4-6 Ma. passeyyuṁ taṁ vassasataṁ
arogaṁ. 5 Ma. mettī. 7 Ma. maccaṁ. 8 Ma. byasannā.
Orundhiyā naṁ parirakkhissāmi
māyaṁ puna luddamakāsi kammaṁ.

[2251] Gavaṁva naṭṭhaṁ puriso yathā vane
anvesati rāja apassamāno
evaṁ naṭṭho esukāri mamattho
sohaṁ kathaṁ na gaveseyyaṁ rāja.

[2252] Hiyyoti hiyyati poso pareti parihāyati
anāgataṁ netamatthīti ñatvā
uppannacchandaṁ ko panudeyya dhīro.

[2253] Passāmi vohaṁ dahariṁ kumāriṁ
mattūpamaṁ ketakapupphanettaṁ
abhutvā 1 bhoge paṭhame vayasmiṁ
ādāya maccu vajate kumāriṁ.
Yuvā sujāto sumukho sudassano
sāmo kusumbhaparikiṇṇamassu
hitvāna kāme paṭigaccha 2 gehaṁ
anujāna maṁ pabbajissāmi deva.

[2254] Sākhāhi rukkho labhate samaññaṁ
pahīnasākhaṁ pana khāṇumāhu
pahīnaputtassa mamajja bhoti
1 Ma. abhuttabhoge. 2 Ma. paṭikacca. Sī. paṭigacca.
Vāseṭṭhi bhikkhācariyāya kālo.

[2255] Aghasmiṁ koñcāva yathā himaccaye
katāni 1 jālāni padāleyyu 2 haṁsā
gacchanti puttā ca patī ca mayhaṁ
sāhaṁ kathaṁ nānuvaje pajānaṁ.

[2256] Ete bhutvā vamitvā ca pakkamanti vihaṅgamā
ye ca bhutvā na vamiṁsu te me hatthatthamāgatā.
Avami brāhmaṇo kāme so tvaṁ paccāvamissasi
vantādo puriso rāja na so 3 hoti pasaṁsiyo.