[2237] Pañhe vajjho mahosadho
āṇatto me vadhāya bhūripañño
taṁ cintayamāno dummanosmi
na hi devi aparādho atthi tuyhaṁ.

[2238] Abhidosagatodāni ehisi
kiṁ sutvā kiṁ saṅkate 1 mano te
ko te kimavoca bhūripañña
iṅghetaṁ vacanaṁ suṇāma brūhi me taṁ.

[2239] Pañhe vajjho mahosadho
yadi te mantayitaṁ janinda dosaṁ
bhariyāya rahogato asaṁsi
guyhaṁ pātukataṁ sutaṁ mametaṁ.

[2240] Yaṁ sālavanasmiṁ senako
pāpakammamakāsi asabbhirūpaṁ
sakhinova rahogato asaṁsi
guyhaṁ pātukataṁ sutaṁ mametaṁ.

[2241] Pukkusapurisassa te janinda
uppanno rogo arājapatto 2
bhātuva 3 rahogato asaṁsi
guyhaṁ pātukataṁ sutaṁ mametaṁ.
1 Yu. kimāsaṅkate. 2 Ma. arājayutto. 3 Ma. bhātuñca. Sī. Yu. bhātucca.

[2242] Ābādhoyaṁ asabbhirūpo
kāmindo 1 naradevena phuṭṭho
puttassa rahogato asaṁsi
guyhaṁ pātukataṁ sutaṁ mametaṁ.

[2243] Aṭṭhavaṅkaṁ maṇiratanaṁ uḷāraṁ
sakko te adadā pitāmahassa
devindassa gataṁ tadajja hatthaṁ
mātu ca rahogato asaṁsi
guyhaṁ pātukataṁ sutaṁ mametaṁ.

[2244] Guyhassa hi guyhameva sādhu
na hi guyhassa pasatthamāvikammaṁ
anipphannatāya saheyya dhīro
nipphannatthova 2 yathāsukhaṁ bhaṇeyya.
Na guyhamatthaṁ vivareyya rakkheyya naṁ yathā nidhiṁ
na hi pātukato sādhu guyho attho pajānatā.
Thiyā guyhaṁ na saṁseyya amittassa ca paṇḍito
yo cāmisena saṁhīro hadayattheno ca yo naro
guyhamatthamasambuddhaṁ sambodhayati yo naro
mantabhedabhayā tassa dāsabhūtova titikkhati.
Yāvanto purisassatthaṁ guyhaṁ jānanti mantinaṁ
1 Sī. Yu. kāvindo. 2 Ma. nipphannova.
Tāvanto tassa ubbegā tasmā guyhaṁ na vissaje.
Vivicca bhāseyya divā rahassaṁ
rattiṁ giraṁ nātivelaṁ pamuñce
upassutikā hi suṇanti mantaṁ
tasmā manto khippamupeti bhedanti.
Pañcapaṇḍitajātakaṁ dvādasamaṁ.
-----------
13 Hatthipālajātakaṁ

[2245] Cirassaṁ vata passāma brāhmaṇaṁ devavaṇṇinaṁ
mahājaṭaṁ khāridharaṁ 1 paṅkadantaṁ rajassiraṁ.
Cirassaṁ vata passāma isiṁ dhammaguṇe rataṁ
kāsāyavatthavasanaṁ vākacīraṁ paricchadaṁ 2 .
Āsanaṁ udakaṁ pajjaṁ paṭiggaṇhātu no bhavaṁ
agghe bhavantaṁ pucchāma agghaṁ kurutu no bhavaṁ.

[2246] Adhicca vede pariyesa vittaṁ
putte gehe tāta patiṭṭhapetvā
gandhe rase paccanubhotva 3 sabbaṁ
araññaṁ sādhu muni so pasattho.