[2217] Tato jānapadā sabbe vikkandiṁsu samāgatā
putto tyāyaṁ mahārāja janaṁ heṭhetyadūsakaṁ.

[2218] Tañca rājā nivāhesi 4 samhā raṭṭhā ca 5 khattiyo
yāvatā vijitā 6 mayhaṁ na te vatthabba 7 tāvade.

[2219] Tato so bhariyamādāya samuddaṁ upasaṅkami
paṇṇasālaṁ karitvāna vanaṁ uñchāya pāvisi.

[2220] Athettha isi māgañchi samuddamuparūpari
so tassa gehaṁ pāvekkhi bhattakāle upaṭṭhite.

[2221] Tañca bhariyā palobhesi passa yāva sudāruṇaṁ
cuto so brahmacariyamhā iddhiyā parihāyatha.
1 Ma. pamadā. 2 Ma. chādeyya. 3 Ma. tassa. 4 Ma. vivāhesi.
5 Sī. Yu. raṭṭhāto. 6 Ma. vijitaṁ. 7 Sī. Yu. vattabba.

[2222] Rājaputto ca uñchāto vanamūlaphalaṁ bahuṁ
sāyaṁ kājena ādāya assamaṁ upasaṅkami.

[2223] Isi ca khattiyaṁ disvā samuddaṁ upasaṅkami
vehāyasaṁ gamissanti sīdate so mahaṇṇave.

[2224] Khattiyo ca isiṁ disvā sīdamānaṁ mahaṇṇave
tasseva anukampāya imā gāthā abhāsatha.

[2225] Abhijjamāne vārismiṁ sayaṁ āgamma iddhiyā
missībhāvitthiyā gantvā saṁsīdati mahaṇṇave.
Āvaṭṭanī mahāmāyā brahmacariyavikopanā
sīdanti naṁ viditvāna ārakā parivajjaye.
Analā mudusambhāsā duppūrā tā nadīsamā
sīdanti naṁ viditvāna ārakā parivajjaye.
Yaṁ etā upasevanti chandasā vā dhanena vā
jātavedova saṇṭhānaṁ khippaṁ anudahanti naṁ.

[2226] Khattiyassa vaco sutvā isissa nibbido 1 ahu
laddhā porāṇakaṁ maggaṁ gacchate so vihāyasaṁ.