[2207] Idañca me jātarūpaṁ pahūtaṁ
rāsi suvaṇṇassa ca tālamattā
ito 1 haritvā sovaṇṇagharāni kāraya
rūpiyassa ca pākāraṁ karontu 1 .
Muttānañca vāhasahassāni pañca
veḷuriyamissāni ito haritvā
antepure bhūmiyaṁ santharantu
nikkaddamā hehiti nīrajā ca.
Etādisaṁ āvasa rājaseṭṭha
vimānaseṭṭhaṁ bahu sobhamānaṁ
bārāṇasiṁ nagaraṁ iddhaṁ phītaṁ
rajjañca kārehi anomapaññāti.
Campeyyajātakaṁ dasamaṁ.
----------
11 Mahāpalobhanajātakaṁ

[2208] Brahmalokā cavitvāna devaputto mahiddhiko
rañño putto udapādi sabbakāmasamiddhisu.
1-1 Ma. ito haritvāna suvaṇṇagharāni karassu rūpiyapākāraṁ karontu.
Kāmā vā kāmasaññā vā brahmaloke na vijjati
svāssu tāyeva saññāya kāmehi vijigucchatha.
Tassa cantepure āsi jhānāgāraṁ sumāpitaṁ
so tattha paṭisallīno eko rahasi jhāyatha.
Sa rājā paridevesi puttasokena aṭṭito
ekaputto cayaṁ mayhaṁ na ca kāmāni bhuñjati.
Ko nu khvettha upāyo so ko vā jānāti kiñcanaṁ
yo 1 me puttaṁ palobheyya yathā kāmāni patthaye.

[2209] Ahu kumārī tattheva vaṇṇarūpasamāhitā
kusalā naccagītassa vādite ca padakkhiṇā
sā tattha upasaṅkamma rājānaṁ etadabravi
ahaṁ kho naṁ palobheyyaṁ sace bhattā bhavissati.

[2210] Taṁ tathāvādiniṁ rājā kumāriṁ etadabravi
tvaññeva naṁ palobhehi tava bhattā bhavissati.

[2211] Sā ca antepuraṁ gantvā bahuṁ kāmūpasañhitaṁ
hadayaṅgamā pemanīyā citrā gāthā abhāsatha.

[2212] Tassā ca gāyamānāya saddaṁ sutvāna nāriyā
kāmacchandassa uppajji janaṁ so paripucchatha.
Kasseso saddo ko vā so bhaṇati uccāvacaṁ bahuṁ
hadayaṅgamaṁ pemanīyaṁ aho 2 kaṇṇasukhaṁ mama.
1 Sī. Yu. ko. 2 Sī. Yu. atho.

[2213] Esā kho pamudā 1 deva khiḍḍā esā anappikā
sace tvaṁ kāme bhuñjeyya bhiyyo bhiyyo chandeyyu 2 taṁ.

[2214] Iṅgha āgacchatorena avidūramhi gāyatu
assamassa samīpamhi santike mayha gāyatu.

[2215] Tirokuḍḍamhi gāyitvā jhānāgāramhi pāvisi
bandhituṁ anupubbena araññamiva kuñjaraṁ.

[2216] Tassā 3 kāmarasaṁ ñatvā issādhammo ajāyatha
ahameva kāme bhuñjeyyaṁ mā añño puriso ahu.
Tato asiṁ gahetvāna purise hantuṁ upakkami
ahameveko bhuñjissaṁ mā añño puriso siyā.