[2337] Sā issitā dukkhitā casmi ludda
uddhañca sussāmi anussarantī
karohi me luddaka etamatthaṁ
dassāmi te gāmavarāni pañca.

[2338] Katthacchati katthamupeti ṭhānaṁ
vīthissa kā nhānagatassa hoti
kathañhi so nhāyati nāgarājā
kathaṁ vijānemu gatiṁ gajassa.

[2339] Tattheva sā pokkharaṇī avidūre 2
rammā sutitthā ca mahodakā 3 ca
1 Ma. tumūlaṁ passasantā. 2 Ma. adūre. 3 Ma. mahodikā.
Saṁpupphitā bhamaragaṇānuciṇṇā
ettha hi so nhāyati nāgarājā.
Sīsaṁ nahāto uppalamāladhārī 1
sabbaseto puṇḍarikatacaṅgī
āmodamāno gacchati sanniketaṁ
purakkhatvā mahesiṁ sabbabhaddaṁ.

[2340] Tattheva so uggahetvāna vākyaṁ
ādāya tūṇiñca dhanuñca luddo
vituriyati satta gīrī brahante
suvaṇṇapassannāma giriṁ uḷāraṁ.
Āruyha selaṁ bhavanaṁ kinnarānaṁ
olokayi pabbatapādamūlaṁ
tatthaddasā meghasamānavaṇṇaṁ
nigrodharājaṁ aṭṭhasahassapādaṁ.
Tatthaddasā kuñjaraṁ chabbisāṇaṁ
sabbasetaṁ duppasahaṁ parebhi
rakkhanti naṁ aṭṭhasahassanāgā
īsādantā vātajavappahārino.
Tatthaddasā pokkharaṇiṁ avidūre 2
rammaṁ sutitthañca mahodakañca 3
1 Ma. nahātuppalamālabhārī. 2 Ma. adūre. 3 Ma. mahodikañca.
Saṁpupphitaṁ bhamaragaṇānuciṇṇaṁ
yattha hi so nhāyati nāgarājā.
Disvāna nāgassa gatiṁ ṭhitañca
vīthissa yā nhānagatassa hoti
opātamāgacchi anariyarūpo
payojito cittavasānugāya.

[2341] Khaṇitvāna kāsuṁ phalakehi chādayi
attānamodhāya dhanuñca luddo
passāgataṁ puthusallena nāgaṁ
samappayi dukkaṭakammakārī.
Viddho ca nāgo koñcamanādi ghoraṁ
sabbeva 1 nāgā ninnādu 2 ghorarūpaṁ
tiṇañca kaṭṭhañca raṇaṁ 3 karontā
dhāviṁsu te aṭṭha disā samantato.
Vadhissamenanti 4 parāmasanto
kāsāvamaddakkhi dhajaṁ isīnaṁ
dukkhena phuṭṭhassudapādi saññā
arahaddhajo sabbhi avajjharūpo.

[2342] Anikkasāvo kāsāvaṁ yo vatthaṁ paridahissati 5
apeto damasaccena na so kāsāvamarahati.
1 Ma. sabbe ca. 2 Ma. ninnaduṁ. 3 Sī. Yu. cuṇṇaṁ. 4 Ma. vadhissametanti.
5 Sī. Yu. paridahessati.
Yo ca vantakasāvassa sīlesu susamāhito
upeto damasaccena save kāsāvamarahati.

[2343] Samappito puthusallena nāgo
aduṭṭhacitto luddakaṁ ajjhabhāsi
kimatthiyaṁ 1 kissa vā samma hetu
mamaṁ vadhī kassa vāyaṁ payogo.

[2344] Kāsissa rañño mahesī bhadante
sā pūjitā rājakule subhaddā
sā 2 taṁ addasa 3 sā ca mamaṁ asaṁsi
dantehi atthoti mamaṁ 4 avoca.

[2345] Bahū hi me dantayugā uḷārā
ye me pitūnañca pitāmahānaṁ
jānāti sā kodhanā rājaputtī
vadhatthikā veramakāsi bālā.
Uṭṭhehi tvaṁ ludda kharaṁ gahetvā
dante ime chinda purā marāmi
vajjāsi taṁ kodhanaṁ rājaputtiṁ
nāgo hato handa imassa dantā.

[2346] Uṭṭhāya so luddo kharaṁ gahetvā
1 Ma. kimatthayaṁ. 2 Ma. ayaṁ pāṭho natthi. 3 Ma. addasā. 4 Ma. - ca maṁ.
Chetvāna dantāni gajuttamassa
vaggū subhe appaṭime paṭhabyā
ādāya pakkāmi tato hi khippaṁ.