[2467] Subhāsitante anumodiyāna
aññantaṁ pucchāmi tadiṅgha brūhi
sīlaṁ siriñcāpi satañca dhammaṁ
paññañca kaṁ seṭṭhataraṁ vadanti.

[2468] Paññā hi seṭṭhā kusalā vadanti
nakkhattarājāriva tārakānaṁ
sīlaṁ sīrī cāpi satañca dhammo 3
anvāyikā paññavato bhavanti.

[2469] Subhāsitante anumodiyāna
aññantaṁ pucchāmi tadiṅgha brūhi
1 Yu. kālābhataṁ. 2 Ma. mudū. 3 Yu. dhammā.
Kathaṅkaro kintikaro kimācaraṁ
kiṁ sevamāno labhatīdha paññaṁ
paññāyadānippaṭipadaṁ 1 vadehi
kathaṅkaro paññavā hoti macco.

[2470] Sevetha buddhe 2 nipuṇe bahussute
uggāhako capparipucchako siyā
suṇeyya sakkacca subhāsitāni
evaṅkaro paññavā hoti macco.
Sa paññavā kāmaguṇe avekkhati
aniccato dukkhato rogato ca
evaṁvipassī pajahāti chandaṁ
dukkhesu kāmesu mahabbhayesu.
Sa vītarāgo sa vineyya 3 dosaṁ
mettacittaṁ bhāveyya 4 appamāṇaṁ
sabbesu bhūtesu nidhāya daṇḍaṁ
anindito brahmamupeti ṭhānaṁ.

[2471] Mahiddhiyaṁ 5 āgamanaṁ ahosi
tavamaṭṭhaka 6 bhīmarathassa cāpi
kāliṅgarājassa ca uggatassa
1 Ma. paññāya dānippaṭipaṁ. 2 Ma. vuddhe. 3 pavineyya. 4 Ma. mettaṁ cittaṁ
bhāvaye. 5 Ma. mahatthiyaṁ. 6 Ma. tavamaṭṭhakā.
Sabbesa vo kāmarāgo pahīno.

[2472] Evametaṁ paracittavedi
sabbesa no kāmarāgo pahīno
karohi okāsamanuggahāya
yathā gatinte abhisambhavema.

[2473] Karomi okāsamanuggahāya
tathāhi vo kāmarāgo pahīno
pharātha kāyaṁ vipulāya pītiyā
yathā gatiṁ me abhisambhavetha.

[2474] Sabbaṁ karissāma tavānusāsaniṁ
yaṁ yaṁ tuvaṁ vakkhasi bhūripañña
pharāma kāyaṁ vipulāya pītiyā
yathā gatinte abhisambhavema.

[2475] Katāya 1 vacchassa kisassa pūjā
gacchantu bhonto isayo sādhurūpā
jhāne ratā hotha sadā samāhitā
esā ratī pabbajitassa seṭṭhā.

[2476] Sutvāna gāthā paramatthasañhitā
subhāsitā isinā paṇḍitena
te vedajātā anumodamānā
1 Sī. Yu. katāyaṁ.
Pakkāmu devā devapuraṁ yasassino.
Gāthā imā atthavatī subyañjanā
subhāsitā isinā paṇḍitena
yokocimā aṭṭhikatvā suṇeyya
labhetha pubbāpariyaṁ visesaṁ
laddhāna pubbāpariyaṁ visesaṁ
adassanaṁ maccurājassa gacche.