[2157] Yamekarattaṁ 3 anutappathetaṁ
dhanaṁva naṭṭhaṁ pitarañca petaṁ
pucchāmi vo mānusadehavaṇṇe
kathaṁ vināvāsamakappayittha.

[2158] Yamimaṁ nadiṁ passasi sīghasotaṁ
nānādumacchādana selakūlaṁ 4
taṁ me piyo uttari vassakāle
1-2-3 Yu. - rattiṁ. 4 Sī. Yu. dumacchadanaṁ selakūṭaṁ. Ma. - dumacchādanaṁ.
Mamañca maññe anubandhatīti.
Ahañca aṅkolakamocināmi
adhimuttakaṁ sattaliyodhikañca
piyo ca me hehiti mālabhārī
ahañca naṁ mālini 1 ajjhupessaṁ.
Ahañcidaṁ kuravakaṁ ocināmi
uddālakā pātali sindhuvāritā 2
piyo ca me hehiti mālabhārī
ahañca naṁ mālini ajjhupessaṁ.
Ahañca sālassa supupphitassa
oceyya pupphāni karomi mālaṁ
piyo ca me hehiti mālabhārī
ahañca naṁ mālini ajjhupessaṁ.
Ahañca sālassa supupphitassa
oceyya pupphāni karomi bhāraṁ
idañca no hehiti santharatthaṁ
yatthajjimaṁ 3 viharissāma 4 rattiṁ.
Ahañca kho aggalu 5 candanañca
silāya piṁsāmi pamattarūpā
piyo ca me hehiti rositaṅgo
1 Ma. mālinī. evamuparipi. 2 Ma. pāṭalisindhuvārakā. 3 Sī. Yu. yathajjamaṁ.
4 Yu. viharissāmu. 5 Ma. agaḷuṁ. Yu. akaluṁ.
Ahañca naṁ rositā ajjhupessaṁ
athāgamā salilaṁ sīghasotaṁ
nudaṁ sāle salale kaṇṇikāre
āpūrathe 1 tena muhuttakena
sāyaṁ nadī āsi mayā suduttarā.
Ubhosu tīresu mayaṁ tadā ṭhitā
sampassantā ubhayo aññamaññaṁ
sakiṁpi rodāma sakiṁ hasāma
kicchena no agamā sambarī sā.
Pāto ca kho uggate suriyamhi
catukkaṁ nadiṁ uttariyāna ludda
āliṅgiyā aññamaññaṁ mayaṁ ubho
sakiṁpi rodāma sakiṁ hasāma.
Tīhūnakaṁ satta satāni ludda
yamidha mayaṁ vippavasimha pubbe
vassekimaṁ 2 jīvitaṁ bhūmipāla
konīdha kantāya vinā vaseyya.

[2159] Āyuñca vo kīvatako nu samma
sacepi jānātha vadetha āyuṁ
anussavā vuḍḍhato āgamā vā
1 Ma. āpūratha. 2 Sī. Yu. vāsekimaṁ.
Akkhātha me taṁ avikampamānā.

[2160] Āyuñca no vassasahassa 1 ludda
na cantarā pāpako atthi rogo
appaṁva dukkhaṁ sukhameva bhiyyo
avītarāgā vijahāma jīvitaṁ.

[2161] Idañca sutvāna amānusānaṁ
bhallātiyo ittaraṁ jīvitanti
nivattatha na migavaṁ acari
adāsi dānāni abhuñji bhoge.

[2162] Idañca sutvāna amānusānaṁ
sammodatha mā kalahaṁ akattha
mā vo tappi 2 attakammāparādho
yathāpi te kiṁpurisekarattaṁ.
Idañca sutvāna amānusānaṁ
sammodatha mā vivādaṁ akattha
mā vo tappi 3 attakammāparādho
yathāpi te kiṁpurisekarattaṁ.

[2163] Vividha 4 adhimanā suṇomahaṁ
vacanapathaṁ vata atthasañhitaṁ
muñcaṁ 5 giraṁ nudaseva me daraṁ
1 Ma. vassasahasasaṁ. 2-3 Ma. tapī. 4 Ma. vividhaṁ. 5 Sī. Yu. muñca.
Samaṇa sukhāvaha jīva me ciranti.
Bhallātiyajātakaṁ aṭṭhamaṁ.
----------
9 Somanassajātakaṁ

[2164] Ko taṁ hiṁsati heṭheti
kiṁ dummano socasi appatīto
kassajja mātāpitaro rudantu
kvajja setu nihato paṭhabyā.

[2165] Tuṭṭhosmi deva tava dassanena
cirassaṁ passāmi taṁ bhūmipāla
ahiṁsako reṇumanupavissa
puttena te heṭhayitosmi deva.

[2166] Āyantu dovārikā khaggabandhā
kāsāviyā yantu antepurantaṁ
hantvāna taṁ somanassaṁ kumāraṁ
chetvāna sīsaṁ varamāharantu.
Pesitā rājino dūtā kumāraṁ etadabravuṁ
issarena vitiṇṇosi vadhaṁ pattosi khattiya.
Sa rājaputto paridevayanto
dasaṅguliṁ añjaliṁ paggahetvā
Ahaṁpi icchāmi janinda daṭṭhuṁ
jīvaṁ maṁ netvā 1 paṭidassayetha.
Tassa taṁ vacanaṁ sutvā rañño puttaṁ adassayuṁ
putto ca pitaraṁ disvā dūratovajjhabhāsatha.
Āgacchuṁ dovārikā khaggabandhā
kāsāviyā hantuṁ mamaṁ janinda
akkhāhi me pucchito etamatthaṁ
aparādho konīdha mamajja atthi.