[2147] Konumeva gatā sabbe ye asmiṁ paricārakā
esa gacchati pañcālo mutto tesaṁ adassanā.
Kodaṇḍakāni gaṇhatha sattiyo tomarāni ca
esa gacchati pañcālo mā vo muñcittha jīvitaṁ.

[2148] Athāparo paṭinandittha suvo lohitatuṇḍiko 1
svāgatante mahārāja atho te adurāgataṁ
issarosi anuppatto yaṁ idhatthi pavedaya.
Tiṇḍukāni piyālāni madhuke kāsumāriyo
phalāni khuddakappāni bhuñja rāja varaṁ varaṁ.
Idaṁpi pāniyaṁ sītaṁ ābhataṁ girigabbharā
tato piva mahārāja sace tvaṁ abhikaṅkhasi.
Araññaṁ uñchāya gatā ye asmiṁ paricārakā
sayaṁ uṭṭhāya gaṇhavho hatthā me natthi dātave.

[2149] Bhaddako vatāyaṁ pakkhī dijo paramadhammiko
atheso itaro pakkhī suvo luddāni bhāsati.
Etaṁ hanatha bandhatha mā vo muñcittha jīvitaṁ
iccevaṁ vilapantassa sotthī 2 pattosmi assamaṁ.

[2150] Bhātarosma mahārāja sodariyā ekamātukā
ekarukkhasmi saṁvaḍḍhā nānākhettagatā ubho.
Sattigumbo ca corānaṁ ahañca isinaṁ idha
1 Ma. - tuṇḍako. 2 Ma. sotthiṁ.
Asataṁ so sataṁ ahaṁ tena dhammena no vinā.

[2151] Yattha vadho ca bandho ca nikati vañcanāni ca
ālopā sahasākārā tāni so tattha sikkhati.
Idha saccañca dhammo ca ahiṁsā saṁyamo damo
āsanūdakadāyīnaṁ aṅke vaḍḍhosmi bhārata.

[2152] Yaṁ yaṁ hi rāja bhajati santaṁ vā yadi vā asaṁ
sīlavantaṁ visīlaṁ vā vasaṁ tasseva gacchati.
Yādisaṁ kurute mittaṁ yādisañcūpasevata
sopi tādisako hoti sahavāsopi 1 tādiso.
Sevamāno sevamānaṁ samphuṭṭho samphusaṁ paraṁ
saro duṭṭho 2 kalāpaṁva alittamupalimpati.
Upalimpabhayā 3 dhīro neva pāpasakhā siyā
pūtimacchaṁ kusaggena yo naro upanayhati
kusāpi pūti 4 vāyanti evaṁ bālūpasevanā.
Tagaraṁva 5 palāsena yo naro upanayhati
pattāpi surabhī 6 vāyanti evaṁ dhīrūpasevanā
tasmā palāsapuṭasseva 7 ñatvā sampākamattano
asante nūpaseveyya 8 sante seveyya paṇḍito
asanto nirayaṁ nenti santo pāpenti suggatinti.
Sattigumbajātakaṁ sattamaṁ.
1 Ma. sahavāso hi. 2 Ma. diddho. 3 Ma. upalepabhayā. 4 Sī. Yu. pūtī.
5 Ma. tagarañca. 6 Ma. surabhi. 7 Ma. pattapuṭasseva. 8 Ma. nopaseveyya.
8 Bhallātiyajātakaṁ

[2153] Bhallātiyo 1 nāma ahosi rājā
raṭṭhaṁ pahāya migavaṁ acāriso
agamā girivaraṁ gandhamādanaṁ
supupphitaṁ kiṁpurisānuciṇṇaṁ.
Sālūrasaṅghañca nisedhayitvā
dhanukalāpañca so nikkhipitvā
upāgami vacanaṁ vattukāmo
yatthaṭṭhitā kiṁpurisā ahesuṁ.
Himaccaye hemavatāya tīre
kimidhaṭṭhitā mantayavho abhiṇhaṁ
pucchāmi vo mānusadehavaṇṇe
kathaṁ vo 2 jānanti manussaloke.

[2154] Mallagiriṁ paṇḍarakaṁ tikūṭaṁ
sītodakā 3 anuvicarāma najjo
migā manussāva nibhāsavaṇṇā
jānanti no kiṁpurisāti ludda.

[2155] Sukiccharūpaṁ paridevayavho
āliṅgito cāsi piyo piyāya
pucchāmi vo mānusadehavaṇṇe
1 Sī. Yu. bhallāṭiyo. 2 Ma. nu.. 3 Sī. Yu. sītodiyā.
Kimidha vane rodatha appatītā.
Sukiccharūpaṁ paridevayavho
āliṅgito cāsi piyo piyāya
pucchāmi vo mānusadehavaṇṇe
kimidha vane vilapatha appatītā.
Sukiccharūpaṁ paridevayavho
āliṅgito cāsi piyo piyāya
pucchāmi vo mānusadehavaṇṇe
kimidha vane socatha appatītā.

[2156] Mayekarattaṁ 1 vippavasimha ludda
akāmakā aññamaññaṁ sarantā
tamekarattaṁ 2 anutappamānā
socāma sā ratti puna na hessati.