[2127] Apadena padaṁ yāti antalikkhacaro dijo
ārā pāsaṁ na bujjhi tvaṁ haṁsānaṁ pavaruttama 5 .

[2128] Yadā parābhavo hoti poso jīvitasaṅkhaye
1 Ma. kasivāṇijjā. 2 Sī. Yu. akarā punanti. 3 Ma. cūḷahaṁsajātakaṁ.
4 Ma. vimaṁsamānohaṁ. 5 Sī. Yu. pavaruttamo.
Atha jālañca pāsañca āsajjāpi na bujjhati.

[2129] Ete haṁsā pakkamanti vaṅkaṅgā bhayameritā
harittaca hemavaṇṇa tvaññeva avahiyyasi.
Ete bhutvā ca pitvā ca pakkamanti vihaṅgamā
anapekkhamānā vaṅkaṅgā tvañceveko 1 upāsasi.
Kiṁ nu tāyaṁ 2 dijo hoti mutto bandhaṁ upāsasi
ohāya sakuṇā yanti kiṁ eko avahiyyasi.

[2130] Rājā me so dijo mitto sakhā pāṇasamo ca me
neva naṁ vijahissāmi yāva kālassa pariyāyaṁ.

[2131] Yo ca tvaṁ sakhino hetu pāṇaṁ cajitumicchasi
so te sahāyaṁ muñcāmi hotu rājā tavānugo.

[2132] Evaṁ luddaka nandassu saha sabbehi ñātibhi
yathāhamajja nandāmi disvā muttaṁ dijādhipaṁ.

[2133] Kacci nu bhoto kusalaṁ kacci bhoto anāmayaṁ
kacci raṭṭhamidaṁ phītaṁ dhammena anusāsasi.

[2134] Kusalañceva me haṁsa atho haṁsa anāmayaṁ
atho raṭṭhamidaṁ phītaṁ dhammena anusāsahaṁ.

[2135] Kacci bhoto amaccesu doso koci na vijjati
kacci ārā amittā te chāyā dakkhiṇatoriva.

[2136] Athopi me amaccesu doso koci na vijjati
1 Ma. tvaññeveko. 2 Ma. tyāyaṁ.
Atho ārā amittā me chāyā dakkhiṇatoriva.