[2177] Ramassu bhikkhācariyāya putta
nisamma dhammesu paribbajassu
sabbesu bhūtesu nidhāya daṇḍaṁ
anindito brahmamupehi ṭhānaṁ.
Acchariyarūpaṁ 5 vata yādisañca
1 Sī. Yu. vaddhānumatāni. 2 Ma. hantu. 3 Ma. madhurampi yaṁ. 4 Sī. Yu. sajuja.
5 Ma. accherarūpaṁ.
Dukkhitaṁ maṁ dukkhāpayase sudhamme
yācassu puttaṁ iti vuccamānā
bhiyyova ussāhayase kumāraṁ.

[2178] Ye vippamuttā anavajjabhojino
parinibbutā lokamimaṁ caranti
tamariyamaggaṁ paṭipajjamānaṁ
na ussahe vārayituṁ kumāraṁ.

[2179] Addhā have sevitabbā sapaññā
bahussutā ye bahuṭhānacintino
yesāyaṁ sutvāna subhāsitāni
appossukkā vītasokā sudhammāti.
Somanassajātakaṁ navamaṁ.
---------
10 Campeyyajātakaṁ

[2180] Kā nu vijjurivābhāsi osadhī viya tārakā
devatā nusi gandhabbī na taṁ maññāmi mānusī 1 .

[2181] Namhi devī na gandhabbī na mahārāja mānusī
nāgakaññāsmi bhaddante atthenamhi idhāgatā.

[2182] Vibbhantacittā kupitindriyāsi
nettehi te vārigaṇā savanti
1 Ma. mānusiṁ.
Kinte naṭṭhaṁ kiṁ pana patthayānā
idhāgatā nāri tadiṅgha brūhi.

[2183] Yamuggatejo uragoti cāhu
nāgoti naṁ āhu jano 1 janinda
tamaggahī puriso jīvikattho
taṁ bandhanā muñca patī mameso.

[2184] Kathanvayaṁ balaviriyūpapanno
hatthatthamāgacchi vanibbakassa
akkhāhi me nāgakaññe tamatthaṁ
kataṁ vijānemu gahītanāgaṁ.

[2185] Nagaraṁpi nāgo bhasmaṁ kareyya
tathāhi so balaviriyūpapanno
dhammañca nāgo apacāyamāno
tasmā parakkamma tapo karoti.

[2186] Cātuddasiṁ paṇṇarasiṁ 2 ca rāja
catuppathe sammati nāgarājā
tamaggahī puriso jīvikattho
taṁ bandhanā muñca patī mameso.