[2077] Sakkohamasmi devindo āgatosmi tavantike
varaṁ varassu rājisi yaṅkiñci manasicchasi.

[2078] Pahutaṁ 2 me dhanaṁ sakka balaṁ koso canappako
andhassa me satodāni maraṇaññeva ruccati.
1-1 ayaṁ gāthā Sī. potthakeceva aṭṭhakathāpotthake ca dissati. Ma. ayampana gāthā natthi.
2 Ma. pahūtaṁ.

[2079] Yāni saccāni dipadinda tāni bhāsassu khattiya
saccaṁ te bhaṇamānassa puna cakkhu bhavissati.

[2080] Ye maṁ yācitumāyanti nānāgottā vanibbakā
yopi maṁ yācate tattha sopi me manaso piyo
etena saccavajjena cakkhu me upapajjatha.

[2081] Yaṁ maṁ so yācituṁ āgā dehi cakkhunti brāhmaṇo
tassa cakkhūni pādāsiṁ brāhmaṇassa vanibbato 1 .
Bhiyyo maṁ āvisi pīti somanassañcanappakaṁ
etena saccavajjena dutiyaṁ me upapajjatha.

[2082] Dhammena bhāsitā gāthā sīvīnaṁ raṭṭhavaḍḍhana
etāni tava nettāni dibyāni 2 paṭidissare.
Tirokuḍḍaṁ tiroselaṁ samatiggayha pabbataṁ
samantā yojanasataṁ dassanaṁ anubhontu te.

[2083] Konīdha vittaṁ na dadeyya yācito
api visiṭṭhaṁ supiyaṁpi attano
tadiṅgha sabbe siviyo samāgatā
dibbāni nettāni mamajja passatha.
Tirokuḍḍaṁ tiroselaṁ samatiggayha pabbataṁ
samantā yojanasataṁ dassanaṁ anubhonti me.
Na cāgamattā paramatthi (kiñci) maccānaṁ idha jīvite
1 Sī. vaṇibbino. Yu. vanibbino. 2 Ma. dibbāni.
Datvāna mānusaṁ 1 cakkhuṁ laddhaṁ (me) cakkhuṁ amānusaṁ.
Etaṁpi disvā sīviyo detha dānāni bhuñjatha
datvā ca bhutvā ca yathānubhāvaṁ
aninditā saggamupetha ṭhānanti.
Sīvirājajātakaṁ tatiyaṁ.
--------
4 Sirimandajātakaṁ 2

[2084] Paññāyupetaṁ siriyā vihīnaṁ
yasassinaṁ vāpi apetapaññaṁ
pucchāmi senaka etamatthaṁ
kamettha seyyo kusalā vadanti.

[2085] Dhīrā ca bālā ca have janinda
sippūpapannā ca asippino ca
sujātimantopi ajātimassa
yasassino pesakarā 3 bhavanti
etampi disvāna ahaṁ vadāmi
pañño nihīno sirimāva seyyo.

[2086] Tuvampi pucchāmi anomapañña
mahosadha kevaladhammadassi
bālaṁ yasassiṁ paṇḍitaṁ appabhogaṁ
1 Sī. datvā mānusakaṁ. 2 Ma. sirimantajātakaṁ. 3 Sī. Yu. pessakārā.
Kamettha seyyo kusalā vadanti.