[2057] Na cāhaṁ citto sutamaññato me
isi ca me etamatthaṁ asaṁsi
gantvāna rañño paṭigāyi 3 gāthaṁ
api nu 4 te varaṁ attamano dadeyya 5 .

[2058] Yojentu me rājarathe sukate cittasibbane
kacchaṁ nāgānaṁ bandhatha gīveyyaṁ paṭimuñcatha.
1 Ma. evamevaṁ. 2 Sī. Yu. cittaṁ vijānāhi. 3 Ma. paṭigāhi.
4 Ma. nusaddo natthi. 5 api nu te gāmavaraṁ dadeyyātipi.
Āhaññare bherimudiṅgasaṅkhā 1
sīghāni yānāni ca yojayantu
ajjevahaṁ assamataṁ 2 gamissaṁ
yattheva dakkhissamisiṁ nisinnaṁ.

[2059] Suladdhalābho vata me ahosi
gāthā sugītā parisāya majjhe
sohaṁ isiṁ sīlavatūpapannaṁ
disvā patīto sumanohamasmi.

[2060] Āsanaṁ udakaṁ pajjaṁ paṭiggaṇhātu no bhavaṁ
agghe bhavantaṁ pucchāma agghaṁ kurutu no bhavaṁ.

[2061] Rammañca te āvasathaṁ karontu
nārīgaṇehi paricārayassu
karohi okāsamanuggahāya
ubhopimaṁ issariyaṁ karoma.

[2062] Disvā phalaṁ duccaritassa rāja
atho suciṇṇassa mahāvipākaṁ
attānameva paṭisaṁyamissaṁ
na patthaye puttapasuṁ 3 dhanaṁ vā.
Dasevimā vassadasā maccānaṁ idha jīvitaṁ
1 haññantu bho bherimudiṅgasaṅkhetipi. Ma. āhaññantu bherimudiṅgasaṅkhe.
2 Ma. assamaṁ taṁ. 3 Sī. Yu. puttaṁ.
Appattaññeva taṁ odhiṁ naḷo chinnova sussati.
Tattha kā nandi kā khiḍḍā kā rati kā dhanesanā
kiṁ me puttehi dārehi rāja muttosmi bandhanā.
Sohaṁ evaṁ pajānāmi 1 maccu me nappamajjati
antakenādhipannassa kā rati kā dhanesanā.
Jāti narānaṁ adhamā janinda
caṇḍālayoni dvipadakaniṭṭhā 2
sakehi kammehi supāpakehi
caṇḍāligabbhe 3 avasimha pubbe.
Caṇḍālāhumhāvantīsu migā nerañjaraṁ pati
ukkusā rammadātīre 4 tayajja brāhmaṇakhattiyā.

[2063] Upaniyyati jīvitamappamāyuṁ
jarūpanītassa na santi tāṇā
karohi pañcāla mameva 5 vākyaṁ
mākāsi kammāni dukkhudrayāni.
Upaniyyati jīvitamappamāyuṁ
jarūpanītassa na santi tāṇā
karohi pañcāla mameva vākyaṁ
mākāsi kammāni dukkhapphalāni.
Upaniyyati jīvitamappamāyuṁ
1 Sī. Yu. so ahaṁ suppajānāmi. 2 Ma. dvipadākaniṭṭhā. 3 Ma. caṇḍālagabbhe.
4 Ma. nammadātīre. 5 Ma. mameta. evamuparipi.
Jarūpanītassa na santi tāṇā
karohi pañcāla mameva vākyaṁ
mākāsi kammāni rajassirāni.
Upaniyyati jīvitamappamāyuṁ
vaṇṇaṁ jarā hanti narassa jiyyato
karohi pañcāla mameva vākyaṁ
mākāsi kammaṁ nirayūpapattiyā.

[2064] Addhā hi saccaṁ vacanaṁ tavedaṁ
yathā isī bhāsasi evametaṁ
kāmā ca me santi anapparūpā
te duccajā mādisakena bhikkhu.
Nāgo yathā paṅkamajjhe byasanno
sayaṁ 1 thalaṁ nābhisambhoti gantuṁ
evamahaṁ 2 kāmapaṅke byasanno
na bhikkhuno maggamanubbajāmi.
Yathāpi mātā ca pitā ca puttaṁ
anusāsare kinti sukhī bhaveyya
evaṁpi maṁ tvaṁ anusāsa bhante
yathā ciraṁ 3 pecca sukhī bhaveyyaṁ.
1 Sī. Ma. passaṁ. 2 Ma. evampahaṁ. 3 Sī. Yu. yamācaraṁ.

[2065] No ce tuvaṁ ussahase janinda
kāme ime mānusake pahātuṁ
dhammiṁ 1 baliṁ paṭṭhapayassu rāja
adhammakāro ca te 2 māhu raṭṭhe.
Dūtā vidhāvantu disā catasso
nimantakā samaṇabrāhmaṇānaṁ
te annapānena upaṭṭhahassu
vatthena senāsanapaccayena ca.
Annena pānena pasannacitto
santappaya samaṇabrāhmaṇe ca
datvā ca bhutvā ca yathānubhāvaṁ
anindito saggamupehi ṭhānaṁ.
Sace ca taṁ rāja mado saheyya
nārīgaṇehi parivārayantaṁ 3
imameva gāthaṁ manasikarohi
bhāsehi cetaṁ 4 parisāya majjhe.
Abbhokāsasayo jantu vajantyā khīrapāyito
parikiṇṇo suvānehi 5 svājja rājāti vuccatīti.
Cittasambhūtajātakaṁ dutiyaṁ.
1 Sī. Yu. dhammaṁ. 2 Ma. tava. 3 Ma. paricārayantaṁ. 4 Ma. bhāsesi cenaṁ.
5 Sī. Yu. supinehi.
3 Sīvirājajātakaṁ

[2066] Dūre apassaṁ therova cakkhuṁ yācitumāgato
ekanettā bhavissāma cakkhuṁ me dehi yācito.