[2047] Yakkhā have santi mahānubhāvā
anvāgatā isayo sādhurūpā
te duṭṭhacittaṁ kupitaṁ viditvā
yakkhā hi te puttamakaṁsu evaṁ.

[2048] Yakkhā ca me puttamakaṁsu evaṁ
tvaññeva me mā kuddho brahmacārī
tumheva pāde saraṇaṁ gatāsmi
anvāgatā puttasokena bhikkhu.

[2049] Tadeva hi etarahi ca mayhaṁ
manopadoso na mamatthi koci
putto ca te vedamadena matto
atthaṁ na jānāti adhicca vede.

[2050] Addhā have bhikkhu muhuttakena
sammuyhateva purisassa saññā
ekāparādhaṁ khama bhūripañña
na paṇḍitā kodhabalā bhavanti.

[2051] Idañca mayhaṁ uttiṭṭhapiṇḍaṁ
tava maṇḍabyo bhuñjatu appapañño
yakkhā ca te puttaṁ 1 na viheṭhayeyyuṁ
1 Ma. te naṁ.
Putto ca te hessati 1 so arogo.

[2052] Maṇḍabya bālosi parittapañño
yo puññakhettānamakovidosi
mahakkasāvesu dadāsi dānaṁ
kiliṭṭhakammesu asaññatesu.
Jaṭā ca kesā ajinā nivatthā
jarūdapānaṁva mukhaṁ paruḷhaṁ
pajaṁ imaṁ passatha dummarūpaṁ 2
na jaṭājinaṁ tāyate appapaññaṁ.
Yesaṁ rāgo ca doso ca avijjā ca virājitā
khīṇāsavā arahanto tesu dinnaṁ mahapphalanti.

[2053] Upahacca manaṁ mejjho mātaṅgasmiṁ yasassine
sapārisajjo ucchinno mejjharaññaṁ tadā ahūti 3 .
Mātaṅgajātakaṁ paṭhamaṁ.
------------
2 Cittasambhūtajātakaṁ

[2054] Sabbaṁ narānaṁ saphalaṁ suciṇṇaṁ
na kammunā kiñcana moghamatthi
passāmi sambhūtaṁ mahānubhāvaṁ
1 Sī. Yu. hohiti. 2 Sī. Yu. rummarūpiṁ. 3 Ma. ayaṁ gāthā natthi.
Sakammunā puññaphalūpapannaṁ.
Sabbaṁ narānaṁ saphalaṁ suciṇṇaṁ
na kammunā kiñcana moghamatthi
kaccinnu cittassapi evameva 1
iddho mano tassa yathāpi mayhaṁ.

[2055] Sabbaṁ narānaṁ saphalaṁ suciṇṇaṁ
na kammunā kiñcana moghamatthi
cittaṁpi jānāhi 2 tatheva deva
iddho mano tassa yathāpi tuyhaṁ.

[2056] Bhavaṁ nu citto sutamaññato te
udāhu te koci naṁ etadakkhā
gāthā sugītā na mamatthi kaṅkhā
dadāmi te gāmavaraṁ satañca.