[2037] Khettāni mayhaṁ viditāni loke
1 Sī. Yu. rummavāsī. 2 Sī. Yu. hohisi. 3 Ma. - tavedaṁ pakataṁ yasassi.
4 Ma. -pajīviṁ. 5 Ma. mamedaṁ. 6 Ma. phalamāsamānā. Sī. Yu. phalamāsasānā.
Yesāhaṁ bījāni patiṭṭhapemi
ye brāhmaṇā jātimantūpapannā
tānīdha khettāni supesalāni.

[2038] Jātimado ca atimānatā ca
lobho ca doso ca mado ca moho
ete aguṇā yesu ca santi 1 sabbe
tānīdha khettāni apesalāni.
Jātimado ca atimānitā ca
lobho ca doso ca mado ca moho
ete aguṇā yesu na santi sabbe
tānīdha khettāni supesalāni.

[2039] Kvattha 2 gatā upajotiyo ca
upajjhāyo 3 athavā bhaṇḍakucchi 4
imassa daṇḍañca vadhañca datvā
gale gahetvā galayātha 5 jammaṁ.

[2040] Giriṁ nakhena khaṇasi ayo dantebhi khādasi
jātavedaṁ padahasi yo isiṁ paribhāsasi.

[2041] Idaṁ vatvāna mātaṅgo isi saccaparakkamo
1 Sī. Yu. yesu vasanti. 2 Ma. kvettha. 3 sabbattha upajjhāyoti dissati.
aṭṭhakathāyampana upavajjhoti khāyati. Ma. upajjhāyo ca. 4 gaṇḍakucchi itipi.
5 Ma. khalayātha.
Antalikkhasmiṁ pakkāmi brāhmaṇānaṁ udikkhataṁ.

[2042] Āvellitaṁ 1 piṭṭhito uttamaṅgaṁ
bāhuṁ pasāreti akammaneyyaṁ
setāni akkhīni yathā matassa
ko me imaṁ puttamakāsi evaṁ.

[2043] Idhāgamā samaṇo dummavāsī
otallako paṁsupisācakova
saṅkāracoḷaṁ paṭimuñca kaṇṭhe
so te imaṁ puttamakāsi evaṁ.

[2044] Katamaṁ disaṁ agamā bhūripañño
akkhātha me māṇavā etamatthaṁ
gantvāna taṁ paṭikaremu accayaṁ
appeva naṁ puttaṁ 2 labhemu jīvitaṁ.

[2045] Vehāyasaṁ agamā bhūripañño
pathaddhuno paṇṇaraseva cando
apicāpi so purimaṁ disaṁ agacchi
saccappaṭiñño isi sādhurūpo.

[2046] Āvellitaṁ piṭṭhito uttamaṅgaṁ
bāhuṁ pasāreti akammaneyyaṁ
setāni akkhīni yathā matassa
1 Sī. Yu. aveṭhitaṁ. 2 Ma. putta.
Ko me imaṁ puttamakāsi evaṁ.