[2027] Bharāmi puttadāre ca gharesu gadhito 1 ahaṁ
bhuñja mānusake kāme anusāsāmi rājino
āraññikassa isino cirarattaṁ tapassino
vuḍḍhassa bhāvitattassa dātumarahāmi bhojanaṁ.

[2028] Isiñcadāni pucchāmi kīsaṁ dhamanisanthataṁ
parūḷhakacchanakhalomaṁ paṅkadantaṁ rajassiraṁ
eko araññe viharasi nāvakaṅkhasi jīvitaṁ
bhikkhu kena tayā seyyo yassa tvaṁ bhojanaṁ adā.

[2029] Khaṇamālukalambāni 2 bilālitakkalāni 3 ca
dhunaṁ sāmākanivāraṁ saṁhāriyaṁ pahāriyaṁ 4
sākaṁ bhisaṁ madhuṁ maṁsaṁ badarāmalakāni ca
tāni āhatva 5 bhuñjāmi atthi me so pariggaho
1 Sī. Yu. gathito. 2 Ma. khaṇantālukalambāni. 3 Sī. Yu. biḷālitakkaḷāni ca.
4 saṁsādiyaṁ pasādiyantipi. Sī. Ma. saṁghāriyaṁ pasāriyaṁ. 5 Ma. āharitvā.
Pacanto apacantassa amamassa sakiñcano
anādānassa sādāno dātumarahāmi bhojanaṁ.

[2030] Bhikkhuñcadāni pucchāmi tuṇhimāsīna subbataṁ
iti te bhattaṁ pādāsi sucimaṁsūpasecanaṁ
taṁ tvaṁ bhattaṁ paṭiggayha tuṇhī bhuñjasi ekako
nāññaṁ kañci nimantesi koyaṁ dhammo namatthu te.

[2031] Na pacāmi na pācemi na chindāmi na chedaye
taṁ maṁ akiñcanaṁ ñatvā sabbapāpehi ārataṁ
vāmena bhikkhamādāya dakkhiṇena kamaṇḍaluṁ
isi me bhattaṁ pādāsi sucimaṁsūpasecanaṁ.
Ete hi dātumarahanti sammā sapariggahā
paccanīkamahaṁ maññe yo dātāraṁ nimantaye.

[2032] Atthāya vata me ajja idhāgacchi rathesabho
yohaṁ ajja pajānāmi 1 yattha dinnaṁ mahapphalaṁ.
Raṭṭhesu giddhā rājāno kiccākiccesu brāhmaṇā
isī mūlaphale giddhā vippamuttā ca bhikkhavoti.
Bhikkhāparamparajātakaṁ terasamaṁ.
----------
1 Sī. ito pubbe na jānāmi.
Tassuddānaṁ
suva kinnaramukka kharājinaso
bhisajāta mahesi kapotavaro
atha mora satacchaka vāṇijako
atha rāja sabrāhmaṇa bhikkhaparaṁ.
Pakiṇṇakanipātaṁ niṭṭhitaṁ.
------------
Vīsatinipātajātakaṁ
1 mātaṅgajātakaṁ

[2033] Kuto nu āgacchasi dummavāsī 1
otallako paṁsupisācakova
saṅkāracoḷaṁ paṭimuñca kaṇṭhe
ko re tuvaṁ hosi 2 adakkhiṇeyyo.

[2034] Annaṁ tavayidaṁ pakataṁ yasassinaṁ 3
taṁ khajjare bhuñjare piyyare ca
jānāsi maṁ tvaṁ paradattūpajīvī 4
uttiṭṭhapiṇḍaṁ labhataṁ sapāko.

[2035] Annaṁ mamayidaṁ 5 kapataṁ brāhmaṇānaṁ
attatthāya saddahato mamayidaṁ 5
apehi etto kimidhaṭṭhitosi
na mādisā tuyhaṁ dadanti jamma.

[2036] Thale ca ninne ca vapanti bījaṁ
anūpakhette phalamāsiṁsamānā 6
etāya saddhāya dadāhi dānaṁ
appeva ārādhaye dakkhiṇeyye.