[2007] Apetā te ca brāhmaññā (iti rājā ca korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2008] Parūḷhakacchanakhalomā paṅkadantā rajassirā
okiṇṇā rajareṇūhi yācakā vicaranti te
1 paṅkadaṇḍañcātipi pāṭho. 2 Ma. gāmamhi vā vanamhi vā. Sī. Yu. gāmamhi
ca vanamhi ca.
Khāṇughātasamā rāja tepi vuccanti brāhmaṇā
akkhātā te mahārāja tādise nipatāmase.

[2009] Apetā te ca brāhmaññā (iti rājā ca korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2010] Harītakaṁ āmalakaṁ ambaṁ jambuṁ vibhedakaṁ 1
labujaṁ dantapoṇāni veluvā badarāni ca
rājāyatanaṁ ucchupūṭaṁ dhūmanettaṁ madhuñjanaṁ
uccāvacāni paṇīyāni vikīṇanti 2 janādhipa
vāṇijakasamā rāja tepi vuccanti brāhmaṇā
akkhātā te mahārāja tādise nipatāmase.

[2011] Apetā te ca brāhmaññā (iti rājā ca korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2012] Kasivaṇijjaṁ 3 kārenti posayanti ajeḷake
1 Ma. vibhītakaṁ. Sī. Yu. ambajambuvibhīṭakaṁ. 2 Sī. Ma. vipaṇenti.
3 Ma. kāsivāṇijjaṁ. Sī. Yu. kāsiṁ vaṇijjaṁ.
Kumāriyo pavecchanti vivāhantāvahanti ca
samā ambaṭṭhavesehi tepi vuccanti brāhmaṇā
akkhāte te mahārāja tādise nipatāmase.

[2013] Apetā te ca brāhmaññā (iti rājā ca korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2014] Nikkhittabhikkhaṁ bhuñjanti gāmesveke purohitā
bahū ne paripucchanti aṇḍacchedā nilañcakā 1
pasūpi tattha haññanti mahiṁsā sūkarā ajā
goghātakasamā rāja tepi vuccanti brāhmaṇā
akkhātā te mahārāja tādise nipatāmase.

[2015] Apetā te ca brāhmaññā (iti rājā ca korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2016] Asicammaṁ gahetvāna khaggaṁ paggayha brāhmaṇā
vessapathesu tiṭṭhanti satthaṁ abbāhayantipi
1 Ma. nilañchakā. Yu. tilañchakā.
Samā gopanisādehi tepi vuccanti brāhmaṇā
akkhātā te mahārāja tādise nipatāmase.