[1997] Na tāyu khīṇaṁ maraṇañca 3 dūre
na cāpi muḷho naravīra seṭṭha
tuyhañca puññāni parittakāni
yesaṁ vipākaṁ idha vedayittho 4
vasa devānubhāvena rāja seṭṭha disampati
tāvatiṁsesu devesu bhuñja kāme amānuse.

[1998] Yathā yācitakaṁ yānaṁ yathā yācitakaṁ dhanaṁ
evaṁ sampadamevetaṁ yaṁ parato dānapaccayā
na cāhametamicchāmi yaṁ parato dānapaccayā
sayaṁ katāni puññāni taṁ me āveṇiyaṁ dhanaṁ
sohaṁ gantvā manussesu kāhāmi kusalaṁ bahuṁ
dānena samacariyāya saṁyamena damena ca
yaṁ katvā sukhito hoti na ca pacchānutappati.
1 Ma. khīṇo. 2 maraṇassātipi pāṭho. 3 Sī. Yu. na cāyu khīṇaṁ maraṇaṁ te.
4 Yu. vedayato.

[1999] Imāni tāni khettāni imaṁ nikkhaṁ sakuṇḍalaṁ
imā tā haritānupā imā najjo savantiyo
imā tā pokkharaṇiyo 1 rammā cākavākūpakujjitā 2
maṇḍālakehi sañchannā padumuppalakehi ca
yassimāni mamāyiṁsu kiṁ nu te disataṁ gatā.
Tāni ca khettāni so bhūmibhāgo
teyeva ārāmavanūpacārā 3
tameva mayhaṁ janataṁ apassato
suññañca me nārada khāyate disā.

[2000] Diṭṭhā mayā vimānāni obhāsantā catuddisā
sammukhā devarājassa tidasānañca sammukhā.
Vutthaṁ me bhavanaṁ dibyaṁ bhuttā kāmā amānusā
tāvatiṁsesu devesu sabbakāmasamiddhisu.
Sohaṁ etādisaṁ hitvā puññāyamhi idhāgato
dhammameva carissāmi nāhaṁ rajjena atthiko.
Adaṇḍāvacaraṁ maggaṁ sammāsambuddhadesitaṁ
taṁ maggaṁ paṭipajjissaṁ yena gacchanti subbatāti.
Sādhinarājajātakaṁ ekādasamaṁ.
-------------
1 Ma. pokkharaṇī. 2 Ma. cakkavākapakūjitā. Sī. Yu. cakkavākūpakūjitā.
3 Sī. Yu. te ārāmā te vanamepacārā.
12 Dasabrāhmaṇajātakaṁ

[2001] Rājā avoca vidhūraṁ 1 dhammakāmo yudhiṭṭhilo.
Brāhmaṇe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2002] Dullabhā brāhmaṇā deva sīlavanto bahussutā
viratā methunā dhammā ye te bhuñjeyyu bhojanaṁ.
Dasa khalu mahārāja yā tā brāhmaṇajātiyo
tesaṁ vibhaṅgavicayaṁ vitthārena suṇohi me.
Pasibbake gahetvāna puṇṇe mūlassa saṁvute
osadhikāye 2 ganthenti nhāpayanti 3 japanti ca.
Tikicchakasamā rāja tepi vuccanti brāhmaṇā
akkhātā te mahārāja tādise nipatāmase.

[2003] Apetā te ca brāhmaññā (iti rājā ca 4 korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2004] Kiṅkiṇiyo gahetvāna 5 ghosenti puratopi te
pesanānipi gacchanti rathacariyāsu sikkhare.
1 Ma. vidhura. evamuparipi. 2 Ma. osadhikāyo. 3 Sī. Yu. nahāyanti.
4 Ma. sabbattha casaddo natthi. 5 Ma. kiṅkikikāyo gahetvā.
Paricārikasamā rāja tepi vuccanti brāhmaṇā
akkhātā te mahārāja tādise nipatāmase.

[2005] Apetā te ca brāhmaññā (iti rājā ca korabyo)
na te vuccanti brāhmaṇā
aññe vidhūra pariyesa sīlavante bahussute
virate methunā dhammā ye me bhuñjeyyu bhojanaṁ
dakkhiṇaṁ samma dassāma yattha dinnaṁ mahapphalaṁ.

[2006] Kamaṇḍaluṁ gahetvāna vaṅkadaṇḍañca 1 brāhmaṇā
paccupessanti rājāno gāmesu nigamesu ca
nādinne vuṭṭhahessāma gāmamhi nigamamhi 2 vā
niggāhakasamā rāja tepi vuccanti brāhmaṇā
akkhātā te mahārāja tādise nipatāmase.