[1977] Ko numhākaṁ idha sattu ko ñātī susamāgate
duppadhaṁse 3 padhaṁseti taṁ me akkhāhi pucchito.

[1978] Uddhaggarājī migarājā balī dāṭhāvudho migo
so taccha sūkare hanti idhāgantvā varaṁ varaṁ.

[1979] Na no dāṭhā na vijjanti balaṁ kāye samohitaṁ
sabbe samaggā hutvāna vasaṁ kāhāma ekakaṁ.

[1980] Hadayaṅgamaṁ kaṇṇasukhaṁ vācaṁ bhāsasi tacchaka
yopi yuddhe pālayetha 4 taṁpi pacchā hanāmase.

[1981] Pāṇātipātā virato nusajja 5
abhayaṁ nu te sabbabhūtesu dinnaṁ
dāṭhā nu te migaviriya 6 na santi
yo saṅghapatto kapaṇova jhāyasi.
1 Ma. vicariṁ. 2 Sī. Yu. girinadiyo. 3 Sī. Yu. appadhaṁse. 4 Ma. palāyeyya.
5 Ma. nu ajja. 6 Ma. migavadhāya.

[1982] Na me dāṭhā na vijjanti balaṁ kāye samohitaṁ
ñātī ca disvāna samaṅgi ekato
tasmā ca jhāyāmi vanamhi ekako.
Imassudaṁ yanti disādisaṁ 1 pure
bhayaṭṭitā leṇagavesino puthū
tedāni saṅgamma vasanti ekato
yatthaṭṭhitā duppasahajja te mayā
pariṇāyakasampannā sahitā ekavādino
te maṁ samaggā hiṁseyyuṁ tasmā nesaṁ na patthaye 2 .

[1983] Ekova indo asure jināti
ekova seno hanti dije pasayha
ekova byaggho migasaṅghapatto
varaṁ varaṁ hanti balañhi tādisaṁ.

[1984] Naheva indo na seno napi byaggho migādhipo
samagge sahite ñātī byaggho 3 na kurute vase.

[1985] Kumbhilakā sakuṇikā 4 saṅghino gaṇacārino
sammodamānā ekajjhaṁ uppatanti uyyanti 5 ca.
Tesañca ḍiyamānānaṁ 6 ekettha apasakkati 7
tañca seno nitāleti veyyagghiyeva sā gati.
1 Ma. disodisaṁ. 2 Yu. apatthave. 3 Ma. na byagghe. Sī. Yu. byagghe ca.
4 Ma. sakuṇakā. 5 Ma. ḍayanti ca. 6 bandhiyamānānantipi pāṭho. Sī. ḍayhamānānaṁ.
Ma. ḍayamānānaṁ. 7 Sī. Yu. apavattati.

[1986] Ussāhito jaṭilena luddenāmisacakkhunā
dāṭhī dāṭhīsu pakkhandi maññamāno yathā pure.