[1967] Cando ca suriyo ca ubho sudassanā
gacchanti obhāsayamantalikkhe
imassa lokassa parassa vā te
kathannu te āhu manussaloke.

[1968] Cando ca suriyo ca ubho sudassanā
1 Ma. ito. 2 Sī. Yu. iccāhu.
Gacchanti obhāsayamantalikkhe
parassa lokassa na te imassa
devāti te āhu manussaloke.

[1969] Ettheva te nīhatā hīnavādā
ahetukā ye na vadanti kammaṁ
tathā phalaṁ sukatadukkaṭānaṁ
dattupaññattaṁ ye ca vadanti dānaṁ.

[1970] Addhā hi saccaṁ vacanaṁ tavetaṁ 1
kathañhi dānaṁ aphalaṁ bhaveyya 2
tathā phalaṁ sukatadukkaṭānaṁ
dattupaññattañca kathaṁ bhaveyya.
Kathaṅkaro kintikaro kimācaraṁ
kiṁ sevamāno kena tapoguṇena
akkhāhi me morarājetamatthaṁ
yathā ahaṁ no nirayaṁ pateyyaṁ.

[1971] Yekeci atthi samaṇā paṭhabyā
kāsāyavatthā anagāriyaṁ caranti 3
pātova piṇḍāya caranti kāle
vikālacariyā viratā hi santo.
Te tattha kālenupasaṅkamitvā
1 Ma. tavedaṁ. 2 Sī. Yu. vadeyya. 3 Ma. anagāriyā te.
Pucchāhi yaṁ te manaso piyaṁ siyā
te taṁ 1 pavakkhanti yathāpajānaṁ
imassa lokassa parassa catthaṁ.

[1972] Tacaṁva jiṇṇaṁ urago purāṇaṁ
paṇḍupalāsaṁ harito dumova
esappahīno mama luddabhāvo
jahāmahaṁ luddakabhāvamajja.

[1973] Ye cāpi me sakuṇā atthi bandhā
satāninekāni nivesanasmiṁ
tesaṁ ahaṁ 2 jīvitamajja dammi
mokkhañca te accha 3 sakaṁ niketaṁ.

[1974] Luddocarī pāsahattho araññe
bādhetu morādhipatiṁ yasassiṁ
bandhitvā morādhipatiṁ yasassiṁ
dukkhā pamuñci 4 yathāhaṁ pamuttoti.
Mahāmorajātakaṁ aṭṭhamaṁ.
-----------
9 Tacchasūkarajātakaṁ

[1975] Yadesamānā vicarimhā pabbatāni vanāni ca
1 Ma. te te. 2 Ma. tesampahaṁ. 3 Sī. patto. Ma. pattā. 4 Ma.
dukkhā sa pamucci.
Anvesaṁ vipule 1 ñātī teme adhigatā mayā.
Bahuṁ cidaṁ mūlaphalaṁ bhakkho cāyaṁ anappako
rammā cimā girinajjo 2 phāsuvāso bhavissati.
Idhevāhaṁ vasissāmi saha sabbehi ñātibhi
appossukko nirāsaṅkī asoko akutobhayo.

[1976] Aññañhi leṇaṁ pariyesa sattu no idha vijjati
so taccha sūkare hanti idhāgantvā varaṁ varaṁ.