[1947] Cātuddasiṁ pañcadasiṁ yā ca pakkhassa aṭṭhamī 3
pāṭihāriyapakkhañca aṭṭhaṅgasusamāhitaṁ 4
uposathaṁ upavasāmi sadā sīlesu saṁvutā.
Etena saccavajjena putto uppajjataṁ ise
musā me bhaṇamānāya muddhā phalatu sattadhā.

[1948] Sabbeva te dhammaguṇā rājaputti yasassini
saṁvijjanti tayi bhadde ye tvaṁ kittesi attani.
Khattiyo jātisampanno abhijāto yasassimā
dhammarājā vedehānaṁ 5 putto upajjate tava.

[1949] Dummi 6 rajojalladharo aghe vehāyasaṇṭhito
manuññaṁ bhāsase vācaṁ yaṁ mayhaṁ hadayaṅgamaṁ.
1 Ma. pesse. 2 Ma. pesemi. 3 Sī. Yu. aṭṭhamiṁ. 4 Ma. aṭṭhaṅgasusamāgataṁ.
5 Ma. videhānaṁ. 6 rumhītipi. Sī. Yu. rummī. Ma. dummī.
Devatā nusi saggamhā isi vāpi 1 mahiddhiko
ko vāsi tvaṁ anuppatto attānaṁ me pavedaya.

[1950] Yaṁ devasaṅghā vandanti sudhammāya samāgatā
sohaṁ sakko sahassakkho āgatosmi tavantike.
Itthiyo jīvalokasmiṁ yā honti 2 samacārinī
medhāvinī sīlavatī sassudevā patibbatā.
Tādisāya sumedhāya sucikammāya nāriyā
devā dassanamāyanti mānusiyā amānusā.
Tvañca bhadde suciṇṇena pubbe sucaritena ca
idha rājakule jātā sabbakāmasamiddhinī.
Ayañca te rājaputti ubhayattha kaṭaggaho
devalokūpapatti ca kitti ca idha jīvite.
Ciraṁ sumedhe sukhinī dhammamattani pālaya
esāhaṁ tidivaṁ yāmi piyaṁ me tava dassananti.
Surucijātakaṁ chaṭṭhaṁ.
-------------
7 Pañcuposathikajātakaṁ

[1951] Appossukkodāni tuvaṁ kapota
vihaṅgama na tava bhojanattho
khuddaṁ pipāsaṁ adhivāsayanto
1 Ma. vāsi. 2 Ma. hoti.
Kasmā bhavaṁposathiko kapota 1 .

[1952] Ahaṁ pure giddhigato kapotiyā
tasmiṁ padesamhi ubho 2 ramāma
athaggahī sākuṇiko kapotiṁ
akāmako tāya vinā ahosiṁ.
Nānābhāvā 3 vippayogena tassā
manomayaṁ vedana vedayāmi 4
tasmā ahaṁposatha 5 pālayāmi
rāgo mamaṁ mā punarāgamāsi.

[1953] Anujjugāmi uraga dujivha
dāṭhāvudho ghoravisosi sappa
khuddaṁ pipāsaṁ adhivāsayanto
kasmā bhavaṁposathiko nu dīgha 6 .

[1954] Usabho ahu balavā gāmikassa
calakkakū vaṇṇabalūpapanno
so maṁ akkami taṁ kupito aḍaṁsiṁ
dukkhābhitunno maraṇaṁ upāgā 7 .
Tato janā nikkhamitvāna gāmā
kanditvā roditvā apakkamiṁsu
tasmā ahaṁposatha pālayāmi
1 Sī. Yu. kapoto. 2 Ma. asmiṁ padesasmimubho. 3 Ma. nānābhavā.
4 Sī. Yu. vedanaṁ vediyāmi. 5 Ma. ahaṁ posathaṁ. evamuparipi. 6 Sī. Yu. dīgho.
7 Sī. Yu. upāgami.
Kodho mamaṁ mā punarāgamāsi.

[1955] Matāna maṁsāni bahū susāne
manuññarūpaṁ tava bhojanetaṁ
khuddaṁ pipāsaṁ adhivāsayanto
kasmā bhavaṁposathiko sigāla 1 .

[1956] Pavissa 2 kucchiṁ mahato gajassa
kuṇape rato hatthimaṁsesu giddho 3
uṇho ca vāto tikhiṇā ca rasmiyo
te sosayuṁ tassa karīsamaggaṁ.
Kīso ca paṇḍū ca ahaṁ bhadante
na me ahu nikkhamanāya maggo
mahā ca megho sahasā pavassi
so temayi tassa karīsamaggaṁ.
Tato ahaṁ nikkhamisaṁ bhadante
cando yathā rāhumukhā pamutto
tasmā ahaṁposatha pālayāmi
lobho mamaṁ mā punarāgamāsi.