[1927] Catussadaṁ gāmavaraṁ samiddhaṁ
dinnañhi so bhuñjatu vāsavena
avītarāgo maraṇaṁ upetu
bhisāni te brāhmaṇa yo ahāsi.

[1928] So gāmaṇi hotu sahāyamajjhe
naccehi gītehi pamodamāno
mā rājato byasanamalattha 2 kiñci
bhisāni te brāhmaṇa yo ahāsi.

[1929] Yaṁ ekarājā paṭhaviṁ vijitvā
itthīsahassāna 3 ṭhapetu aggaṁ
1 Sī. sabbasamattavedaṁ. Yu. sabbasamattavedanaṁ. 2 Ma. so rājato byasanamālattha.
3 Sī. Yu. itthīsahassassa.
Sīmantinīnaṁ pavarā bhavātu
bhisāni te brāhmaṇa yo 1 ahāsi.

[1930] Dāsīnaṁ 2 hi sā sabbasamāgatānaṁ
bhuñjeyya sāduṁ avikampamānā
carātu lābhena vikatthamānā
bhisāni te brāhmaṇa yo 3 ahāsi.

[1931] Āvāsiko hotu mahāvihāre
navakammiko hotu kajaṅgalāyaṁ 4
ālokasandhiṁ divasā 5 karotu
bhisāni te brāhmaṇa yo ahāsi.

[1932] So bajjhatu pāsasatehi chabbhi 6
rammā vanā niyyatu rājadhāniṁ
guttehi so haññatu pācanehi
bhisāni te brāhmaṇa yo ahāsi.

[1933] Alakkamālī tipukaṇṇaviddho
laṭṭhihato sappamukhaṁ upetu
sakañca baddho 7 visikhaṁ carātu
bhisāni te brāhmaṇa yo ahāsi.

[1934] Yo ve anaṭṭhaṁ 8 naṭṭhanti āha 9
1-3 Ma. yā. 2 Ma. isīnaṁ. 4 Ma. gajaṅgalāyaṁ. 5 Ma. divasaṁ.
6 Sī. Yu. chamhi. 7 Ma. sakkacchabandho. Sī. Yu. sakkaccabaddho.
8 Ma. anaṭṭhaṁva. 9 Ma. cāha.
Kāmeva so labhatu bhuñjatu ca 1
agāramajjhe maraṇaṁ upetu
yo vā bhonto saṅkati kañcideva.

[1935] Yadesamānā vicaranti loke
iṭṭhañca kantañca bahūnametaṁ
piyaṁ manuññaṁ idha 2 jīvaloke
kasmā isayo nappasaṁsanti kāme.

[1936] Kāmesu ve haññare bajjhare ca
kāmesu dukkhañca bhayañca jātaṁ
kāmesu bhūtādhipatī pamattā
pāpāni kammāni karonti mohā.
Te pāpadhammā pasavetva pāpaṁ
kāyassa bhedā nirayaṁ vajanti
ādīnavaṁ kāmaguṇesu disvā
tasmā isayo nappasaṁsanti kāme.