[1917] Khattiyā brāhmaṇā vessā suddā caṇḍālapukkusā
sabbeva soratā dantā sabbeva parinibbutā
sabbesaṁ sītibhūtānaṁ atthi seyyotha 3 pāpiyo.

[1918] Khattiyā brāhmaṇā vessā suddā caṇḍālapukkusā
sabbeva soratā dantā sabbeva parinibbutā
sabbesaṁ sītibhūtānaṁ natthi seyyotha 3 pāpiyo.

[1919] Khattiyā brāhmaṇā vessā suddā caṇḍālapukkusā
sabbeva soratā dantā sabbeva parinibbutā
sabbesaṁ sītibhūtānaṁ natthi seyyotha 3 pāpiyo
pasatthaṁ 4 carasi brahmaññaṁ sotthiyakulavaṁsataṁ.

[1920] Nānārattehi vatthehi vimānaṁ bhavati chāditaṁ
na tesaṁ chāyā vatthānaṁ so rāgo anupajjatha
1 Ma. na khantī nāpi soraccaṁ. 2 Ma. so. 3 Sī. Yu. seyyova. 4 Ma. panatthaṁ.
Evameva manussesu yadā sujjhanti māṇavā
na tesaṁ jātiṁ pucchanti 1 dhammamaññāya subbatāti.
Uddālakajātakaṁ catutthaṁ.
----------
5 Bhisajātakaṁ

[1921] Assaṁ gavaṁ rajataṁ jātarūpaṁ
bhariyañca so idha labhataṁ manāpaṁ
puttehi dārehi samaṅgi hotu
bhisāni te brāhmaṇa yo ahāsi.

[1922] Mālañca so kāsikacandanañca
dhāretu puttassa bahū bhavantu
kāmesu tibbaṁ kurutaṁ apekkhaṁ
bhisāni te brāhmaṇa yo ahāsi.

[1923] Pahūtadhañño kasimā yasassī
putte gihī dhanimā sabbakāme
vayaṁ apassaṁ gharamāvasātu
bhisāni te brāhmaṇa yo ahāsi.

[1924] So khattiyo hotu pasayhakārī
rājādhirājā balavā yasassī
1 te sajātiṁ pamuñcantītipi.
Sa cāturantaṁ mahimāvasātu
bhisāni te brāhmaṇa yo ahāsi.

[1925] So brāhmaṇo hotu avītarāgo
muhuttanakkhattapathesu yutto
pūjetu naṁ raṭṭhapatī yasassī
bhisāni te brāhmaṇa yo ahāsi.

[1926] Ajjhāyakaṁ sabbasamantavedaṁ 1
tapassinaṁ maññatu sabbaloko
pūjentu naṁ jānapadā samecca
bhisāni te brāhmaṇa yo ahāsi.