[1937] Vīmaṁsamāno isino bhisāni
tīre gahetvāna thale nidhesiṁ
suddhā apāpā isayo vasanti
etāni te brahmacārī bhisāni.

[1938] Na te naṭā no pana kīḷaneyyā
1 Ma. labhataṁ bhuñjataṁ ca. 2 Ma. cidha.
Na bandhavā no pana te sahāyā
kismiṁ paravambhaṁ 1 sahassanetta
isīhi tuvaṁ kīḷasi devarāja.

[1939] Ācariyo mesi pitā ca mayhaṁ
esā patiṭṭhā khalitassa brahme
ekāparādhaṁ khama bhūripañña
na paṇḍitā kodhabalā bhavanti.

[1940] Suvāsitaṁ isinaṁ ekarattaṁ
yaṁ vāsavaṁ bhūtapatiddasāma
sabbeva bhonto sumanā bhavantu
yaṁ brāhmaṇo paccupādi bhisāni.

[1941] Ahañca sārīputto ca moggallāno ca kassapo
anuruddho puṇṇānando tadāsuṁ satta bhātaro.
Bhaginī uppalavaṇṇā [2]- dāsī khujjuttarā tadā
citto gahapati dāso yakkho sātāgiro tadā.
Pālileyyo 3 tadā nāgo madhudo 4 seṭṭhavānaro
kāḷudāyī tadā sakko evaṁ dhāretha jātakanti.
Bhisajātakaṁ pañcamaṁ.
----------
1 Sī. paratthambha. Ma. vupatthambha. 2 Ma. ca. 3 Sī. Yu. pārileyyo.
4 Sī. Yu. madhuvo.
6 Surucijātakaṁ

[1942] Mahesī rucino 1 bhariyā ānītā paṭhamaṁ ahaṁ
dasa vassasahassāni yaṁ maṁ suruci ānayi 2 .
Sāhaṁ brāhmaṇa rājānaṁ vedehaṁ mithilaggahaṁ
nābhijānāmi kāyena vācāya uda cetasā
suruciṁ atimaññittha 3 āvi vā yadivā raho.
Etena saccavajjena putto uppajjataṁ ise
musā me bhaṇamānāya muddhā phalatu sattadhā.

[1943] Bhattu manāpā sassu piyā mātā pitā ca sassuro 4
te maṁ brahme vinetāro yāva aṭṭhaṁsu jīvitaṁ.
Sāhaṁ ahiṁsāratinī kāmasā dhammacārinī
sakkaccaṁ te upaṭṭhāsiṁ rattindivamatanditā.
Etena saccavajjena putto uppajjataṁ ise
musā me bhaṇamānāya muddhā phalatu sattadhā.

[1944] Soḷasitthīsahassāni sahabhariyāni brāhmaṇa
tāsu issā vā kodho vā nāhu mayhaṁ kudācanaṁ.
Hitena tāsaṁ nandāmi na ca me kāci appiyā
attānaṁvānukampāmi sadā sabbā sapattiyo.
Etena saccavajjena putto upajjataṁ ise
musā me bhaṇamānāya muddhā phalatu sattadhā.
1 Ma. surucino. 2 Ma. surucimānayi. 3 Sī. Yu. atimaññittho.
4 Ma. bhattu mama sassu mātā pitā cāpi ca sassuro.

[1945] Dāse kammakare pose 1 yecaññe anujīvino
posemi 2 sahadhammena sadā pamuditindriyā.
Etena saccavajjena putto uppajjataṁ ise
musā me bhaṇamānāya muddhā phalatu sattadhā.

[1946] Samaṇe brāhmaṇe cāpi aññe cāpi vaṇibbake
tappemi annapānena sadā payatapāṇinī.
Etena saccavajjena putto uppajjataṁ ise
musā me bhaṇamānāya muddhā phalatu sattadhā.