[1957] Vammikathūpasmiṁ kipillikāni
nippothayanto tuvaṁ pure carāsi
khuddaṁ pipāsaṁ adhivāsayanto
1 Sī. Yu. sigālo. 2 Ma. pavisi. 3 Sī. Yu. hatthimaṁse pagiddho.
Kasmā bhavaṁposathiko nu accha 1 .

[1958] Sakaṁ niketaṁ atiheḷayāno 2
atricchatāya malataṁ 3 agacchiṁ
tato janā nikkhamitvāna gāmā
kodaṇḍakena paripothayiṁsu maṁ.
So bhinnasīso ruhiramakkhitaṅgo
paccāgamāsiṁ sasakaṁ 4 niketaṁ
tasmā ahaṁposatha pālayāmi
atricchatā mā punarāgamāsi.

[1959] Yaṁ no apucchittha tuvaṁ bhadante
sabbeva byākarimhā yathāpajānaṁ
mayampi pucchāma tuvaṁ bhadante
kasmā bhavaṁposathiko nu brahme.

[1960] Anūpalitto mama assamamhi
paccekabuddho muhuttaṁ nisīdi
so maṁ avedī gatimāgatiñca
nāmañca gottaṁ caraṇañca sabbaṁ.
Evampihaṁ 5 vandi na tassa pāde
na cāpihaṁ 6 mānagatena pucchiṁ
tasmā ahaṁposatha pālayāmi
1 Sī. Yu. accho. 2 Ma. atihīḷayāno. 3 Ma. atricchatā mallagāmaṁ.
4 Ma. sakaṁ. 5 Ma. evampahaṁ. Sī. Yu. evampahaṁ naggahe. 6 Ma. na cāpi naṁ.
Māno mamaṁ mā punarāgamāsīti.
Pañcuposathikajātakaṁ sattamaṁ.
---------
8 Mahāmorajātakaṁ

[1961] Sace hi tyāhaṁ dhanahetu gahito 1
mā maṁ avadhi jīvagāhaṁ gahetvā
rañño ca 2 maṁ samma upanti 3 nehi
maññe dhanaṁ lacchasinapparūpaṁ.

[1962] Na me ayaṁ tuyha vadhāya ajja
samāhito cāpavaro 4 khurappo
pāsañca tyāhaṁ adhipātayissaṁ
yathāsukhaṁ gacchatu morarājā.

[1963] Yaṁ satta vassāni mamānubandhi
rattindivaṁ khuppipāsaṁ sahanto
atha kissa maṁ pāsavasūpanītaṁ
pamuttave icchasi bandhanasmā.
Pāṇātipātā virato nusajja
abhayannu te sabbabhūtesu dinnaṁ
yaṁ maṁ tuvaṁ pāsavasūpanītaṁ
1 Ma. gāhito. 2 Sī. Yu. va. 3 Ma. upantikaṁ. 4 thāmadhanūtipi pāṭho. Sī.
cāpavare. Ma. cāpadhure.
Pamuttave icchasi bandhanasmā.

[1964] Pāṇātipātā viratassa brūhi
abhayañca yo sabbabhūtesu deti
pucchāmi taṁ morarājetamatthaṁ
iti 1 cuto kiṁ labhate sukhaṁ so.

[1965] Pāṇātipātā viratassa brūmi
abhayañca yo sabbabhūtesu deti
diṭṭheva dhamme labhate pasaṁsaṁ
saggañca so yāti sarīrabhedā.

[1966] Na santi devā iti āhu 2 eke
idheva jīvo vibhavaṁ upeti
tathā phalaṁ sukatadukkaṭānaṁ
dattupaññattañca vadanti dānaṁ
tesaṁ vaco arahataṁ saddahāno
tasmā ahaṁ sakuṇe bādhayāmi.