[1897] Cutāpi heke khalitā sakammunā
mittānukampāya patiṭṭhahanti
puttā mamaṭṭā gatimāgatosmi
atthaṁ caretha mama vāricara 5 .

[1898] Dhanena dhaññena ca attanā ca
mittaṁ sahāyañca karonti paṇḍitā
karomi te senaka etamatthaṁ
ariyo hi ariyassa karoti kiccaṁ.

[1899] Appossukko tāta tuvaṁ nisīda
1 Ma. taveva. 2 Ma. heke. 3 Sī. Yu. cajanti. 4 Ma. aṇḍajāyaṁ.
Putto pitu carati atthacariyaṁ
ahaṁ carissāmi taveva atthaṁ 1
senassa putte parittāyamāno.

[1900] Addhā hi tāta satamesa dhammo
putto pitu care 2 atthacariyaṁ
appeva maṁ disvāna pavaḍḍhakāyaṁ
senassa puttāni na heṭhayeyyuṁ.

[1901] Pasū manussā migavīraseṭṭha
bhayaṭṭitā 3 seṭṭhamupabbajanti
puttā mamaṭṭā gatimāgatosmi
tvaṁ nosi rājā bhava me sukhāya.

[1902] Karomi te senaka etamatthaṁ
āyāmi te taṁ disataṁ vadhāya
kathaṁ hi viññū bahusampajāno
na vāyame attajanassa guttiyā.

[1903] Mittaṁ kayirātha suhadayañca
ayirañca kayirātha sukhāgamāya
nivatthakojova sarebhihantvā
modāma puttehi samaṅgibhūtā.

[1904] Sakamittassa kammena sahāyassāpalāyino
1 Ma. tavetamatthaṁ. 2 Ma. pituyaṁ care. Sī. Yu. pitu yañcaretha. 3 Sī. Yu.
bhayadditā.
Kujantamupakujanti lomahaṁsā hadayaṅgamaṁ.

[1905] Mittaṁ sahāyaṁ adhigamma paṇḍito
so bhuñjati puttaṁ pasuṁ dhanaṁ vā
ahañca puttā ca patī ca mayhaṁ
mittānukampāya samaṅgibhūtā.
Rājavatā suravatā ca attho
sampannasakhissa bhavanti hete
so mittavā yasavā uggatatto
asmiñca loke modati kāmakāmi.

[1906] Karaṇīyāni mittāni daliddenāpi senaka
passa mittānukampāya samaggamhā sañātake.
Sūrena balavantena yo mittaṁ 1 kurute dijo
evaṁ so sukhito hoti yathāhaṁ tvañca senakāti.
Mahāukkusajātakaṁ tatiyaṁ.
----------
4 Uddālakajātakaṁ