[1907] Kharājinā jaṭilā paṅkadantā
dummakkharūpā ye mantaṁ 2 japanti
kacci nu te mānusake payoge
idaṁ vidū parimuttā apāyā.
1 Ma. mitte. Sī. mette. 2 Sī. Yu. dummukharūpā ye me.

[1908] Pāpāni kammāni kareyya 1 rāja
bahussuto ce na careyya dhammaṁ
sahassavedopi na taṁ paṭicca
dukkhā pamuñce caraṇaṁ apatvā.

[1909] Sahassavedopi na taṁ paṭicca
dukkhā pamuñce caraṇaṁ apatvā
maññāmi vedā aphalā bhavanti
sasaṁyamaṁ caraṇaññeva saccaṁ.

[1910] Naheva vedā aphalā bhavanti
sasaṁyamaṁ caraṇaññeva saccaṁ
kittiñca pappoti adhicca vede
santiṁ puṇeti 2 caraṇena danto.

[1911] Bhaccā mātā pitā bandhu 3 yena jāto svayeva 4 so
uddālako ahaṁ bhoto sotthiyakulavaṁsato 5 .

[1912] Kathaṁ bho brāhmaṇo hoti kathaṁ bhavati kevalī
kathañca parinibbānaṁ dhammaṭṭho kinti vuccati.

[1913] Niraṁ katvā aggimādāya brāhmaṇo
āposiñcaṁ yajaṁ usseti yūpaṁ
evaṅkaro brāhmaṇo hoti khemī
dhamme ṭhitaṁ tena amāpayiṁsu.
1 Ma. karetha. 2 Sī. punoti. Ma. puṇāti. Yu. puneti. 3 Ma. bandhū.
4 Ma. sayeva. 5 Ma. sotthiyākulavaṁsako.

[1914] Na suddhi secanena atthi napi kevalī brāhmaṇo
na ceva khanti soraccaṁ 1 napi so parinibbuto.

[1915] Kathaṁ bho 2 brāhmaṇo hoti kathaṁ bhavati kevalī
kathañca parinibbānaṁ dhammaṭṭho kinti vuccati.

[1916] Akhettabandhu amamo nirāso
nillobhapāpo bhavalobhakhīṇo
evaṅkaro brāhmaṇo hoti khemī
dhamme ṭhitaṁ tena amāpayiṁsu.