[1887] Api bhīruke api jīvitukāmike kiṁpurisī gaccha himavantaṁ
tālisataggarabhojanā 2 aññe taṁ migā ramissanti.

[1888] Te pabbatā tā ca kandarā tā ca giriguhāyo [3]-
tattha 4 taṁ apassantī kiṁpurisa kathaṁ ahaṁ kāsaṁ 5 .
Yesu pabbatesu mayaṁ ekato abhiramimhā
tattha taṁ apassantī kiṁpurisa kathaṁ ahaṁ kāsaṁ 6 .
Te paṇṇasanthatā ramaṇīyā vāḷamigehi anuciṇṇā
tattha taṁ apassantī kiṁpurisa kathaṁ ahaṁ kāsaṁ.
1 Sī. Yu. putte. 2 Sī. Yu. tālissataggarabhojane. 3 Ma. tatheva tiṭṭhanti.
4 Ma. tattheva. evamuparipi. 5 Ma. kassaṁ. evamuparipi. 6 ayaṁ gāthā
sabbapotthakesu na dissati aṭṭhakathāyaṁ pana dissati.
Te pupphasanthatā ramaṇīyā vāḷamigehi anuciṇṇā
tattha taṁ apassantī kiṁpurisa kathaṁ ahaṁ kāsaṁ 1 .
Acchā savantī girivananadiyo kusumābhikiṇṇasotāyo
tattha taṁ apassantī kiṁpurisa kathaṁ ahaṁ kāsaṁ.
Nīlāni himavato pabbatassa kūṭāni dassanīyāni 2
tattha taṁ apassantī kiṁpurisa kathaṁ ahaṁ kāsaṁ.
Pītāni himavato pabbatassa kūṭāni dassanīyāni
tattha taṁ apassantī kiṁpurisa kathaṁ ahaṁ kāsaṁ.
Tambāni himavato pabbatassa kūṭāni dassanīyāni
tattha taṁ apassantī kiṁpurisa kathaṁ ahaṁ kāsaṁ.
Tuṅgāni himavato pabbatassa kūṭāni dassanīyāni
tattha taṁ apassantī kiṁpurisa kathaṁ ahaṁ kāsaṁ.
Setāni himavato pabbatassa kūṭāni dassanīyāni
tattha taṁ apassantī kiṁpurisa kathaṁ ahaṁ kāsaṁ.
Citrāni himavato pabbatassa kūṭāni dassanīyāni
tattha taṁ apassantī kiṁpurisa kathaṁ ahaṁ kāsaṁ.
Yakkhagaṇasevite gandhamādane osadhehi sañchanne
tattha taṁ apassantī kiṁpurisa kathaṁ ahaṁ kāsaṁ.
Kiṁpurisasevite gandhamādane osadhehi sañchanne
1 ayaṁ gāthā sabbapotthakesu dissati aṭṭhakathāyaṁ pana na dissati. 2 Sī. Yu.
dassaneyyāni. evamuparipi.
Tattha taṁ apassantī kiṁpurisa kathaṁ ahaṁ kāsaṁ.

[1889] Vande te (pāde) ayirabrahme yo me icchitaṁ patiṁ varākiyā
amatena abhisiñci samāgatasmiṁ 1 piyatamena.

[1890] Vicarāmadāni girivananadiyo kusumābhikiṇṇasotāyo
nānādumavasanāyo piyaṁvadā aññamaññassāti.
Candakinnarajātakaṁ dutiyaṁ
--------
3 mahāukkusajātakaṁ

[1891] Ukkā milācā 2 bandhanti dīpe
pajā mama khādituṁ patthayanti
mittaṁ sahāyañca vadehi senaka
ācikkha ñātibyasanaṁ dijānaṁ.

[1892] Dijo dijānaṁ pavarosi pakkhi ca 3
ukkusarāja saraṇaṁ taṁ upemi 4
pajā mama khādituṁ patthayanti
luddā milācā 5 bhava me sukhāya.

[1893] Mittaṁ sahāyañca karonti paṇḍitā
kāle akāle sukhamesamānā
karomi te senaka etamatthaṁ
1 Ma. samāgatāsmi. 2-5 Ma. cilācā. 3 Ma. pakkhima. Sī. Yu. casaddo na dissati.
4 Ma. upema.
Ariyo hi ariyassa karoti kiccaṁ.

[1894] Yaṁ hoti kiccaṁ anukampakena
ariyassa ariyena kataṁ tayidaṁ
attānurakkhī bhava mā aḍayhi
lacchāma putte tayi jīvamāne.

[1895] Tameva 1 rakkhāvaraṇaṁ karonto
sarīrabhedāpi na santasāmi
karonti hete 2 sakhīnaṁ sakhāro
pāṇaṁ cajantā 3 satamesa dhammo.

[1896] Sudukkaraṁ kammamakāsi aṇḍajoyaṁ 4 vihaṅgamo
atthāya kururo putte aḍḍharatte anāgate.