[1867] Sace ca rāja vicikicchase tuvaṁ
hantuṁ migaṁ sarabhaṁ sahāyakaṁ 1
saputtadāro naravīraseṭṭha 2
gantvā 3 tuvaṁ vetaraṇiṁ yamassa.

[1868] Kāmaṁ ahaṁ jānapadā ca sabbe
puttā ca dārā ca sahāyasaṅghā
gacchemu taṁ vetaraṇiṁ yamassa
na tveva haññe mama pāṇadassa 4 .

[1869] Ayaṁ migo kicchagatassa mayhaṁ
ekassa kattā vivanasmiṁ ghore
taṁ tādisaṁ pubbakiccaṁ saranto
jānaṁ mahābrahme kathaṁ haneyyaṁ.

[1870] Mittābhirādhī cirameva jīva
rajjaṁ imaṁ dhammaguṇe pasāsa
nārīgaṇehi paricārayanto 5
modassu raṭṭhe tidiveva vāsavo.
1 Sī. Yu. sahāyakaṁ me. 2 Sī. Yu. naraviriyaseṭṭha. 3 Sī. Yu. gantā.
4 Ma. pādo yo. 5 Ma. paricāriyanto.

[1871] Akkodhano niccapasannacitto
sabbātithī pāhunake karitvā 1
datvā ca bhutvā ca yathānubhāvaṁ
anindito saggamupehi ṭhānanti.
Sarabhajātakaṁ dasamaṁ.
---------
Tassuddānaṁ
varamamba 2 kuṭhāri sahaṁsavaro
atharaññasmiṁ dūtakapañcamako
atha bodhi akitti sutakkarinā
atha rurumigena paro sarabho.
Terasanipātaṁ niṭṭhitaṁ.
---------
1 Ma. sabbātithī yācayogo bhavitvā. 2 Ma. varāmba.
Pakiṇṇakanipātajātakaṁ
1 sālikedārajātakaṁ

[1872] Sampannaṁ sālikedāraṁ suvā bhuñjanti kosiya
paṭivedemi te brahme na te vāretumussahe
eko ca tattha sakuṇo yo nesaṁ sabbasundaro
bhutvā sāliṁ yathākāmaṁ tuṇḍenādāya gacchati.

[1873] Ujjhantu 1 vālapāsāni yathā bajjhetha so dijo
jīvañca naṁ gahetvāna ānayehi 2 mamantike.

[1874] Ete bhutvā pivitvā ca pakkamanti vihaṅgamā
eko baddhosmi pāsena kiṁ pāpaṁ pakataṁ mayā.

[1875] Udaraṁ nūna aññesaṁ suva accodaraṁ tava
bhutvā sāliṁ yathākāmaṁ tuṇḍenādāya gacchasi.
Koṭṭhannu tattha pūresi suva verannu te mayā
puṭṭho me samma akkhāhi kuhiṁ sāliṁ nidheyyasi 3 .

[1876] Na me veraṁ tayā saddhiṁ koṭṭho mayhaṁ na vijjati
iṇaṁ muñcāmiṇaṁ dammi sampatto koṭisimbaliṁ 4
nidhiṁpi tattha nidahāmi evaṁ jānāhi kosiya.