[1857] Vāyametheva puriso na nibbindeyya paṇḍito
passāmi vohaṁ attānaṁ udakā thalamubbhataṁ.

[1858] Dukkhūpanītopi naro sapañño
āsaṁ na chindeyya sukhāgamāya
bahū hi phassā ahitā hitā ca
avitakkitāro maccumupapajjanti 4 .

[1859] Acintitampi bhavati cintitampi vinassati
na hi cintāmayā bhogā itthiyā purisassa vā.
1 Ma. raṭṭhañcāpi vinassatu. 2 Ma. sarabhamigajātakaṁ. 3 Ma. āsīsetheva.
4 Ma. avitakkitā maccamupabbajanti.

[1860] Sarabhaṁ giriduggasmiṁ yaṁ tvaṁ anussarī pure
alīnacittassa tuvaṁ vikkantamanujīvasi.

[1861] Yo taṁ viduggā narakā samuddhari
sīlāya yoggaṁ sarabho karitvā
dukkhūpanītaṁ maccumukhā pamocayi
alīnacittaṁ tameva 1 vadesi.

[1862] Kiṁ tvaṁ nu tattheva tadā ahosi
udāhu te koci taṁ etadakkhā
vivaṭacchado nusi sabbadassī
ñāṇaṁ nu te brāhmaṇa bhiṁsarūpaṁ.

[1863] Na cevāhaṁ tattha tadā ahosiṁ
na cāpi me koci naṁ etadakkhā
gāthāpadānañca subhāsitānaṁ
atthaṁ tadānenti janinda dhīrā.

[1864] Ādāya pattaṁ 2 paravīriyaghātiṁ
cāpe saraṁ kiṁ vicikicchase tuvaṁ
nuṇṇo saro sarabhaṁ hantu khippaṁ
annaṁ hi etaṁ varapañña rañño.

[1865] Addhā pajānāmi ahaṁpi etaṁ
annaṁ migo brāhmaṇa khattiyassa
1 Ma. ta migaṁ. 2 Ma. pattiṁ.
Pubbe katañca apacāyamāno
tasmā migaṁ sarabhaṁ no hanāmi.

[1866] Neso migo mahārāja asureso disampati
etaṁ hantvā manussinda bhavassu amarādhipo.