[1847] Sohaṁ catuppattamimaṁ vihaṅgamaṁ
tanucchidaṁ hadaye osajjāmi
1 Sī. Yu. sandhāyupāgami. 2 Ma. so yaṁ. 3 Sī. vipalāvitaṁ. Ma. niplavitaṁ.
4 Ma. mānusī.
Hanāmi taṁ mittadubbhiṁ akiccakāriṁ
yo tādisaṁ kammakataṁ na jāne.

[1848] Dhīrassa bālassa have janinda
santo vadhaṁ nappasaṁsanti jātu
kāmaṁ gharaṁ gacchatu pāpadhammo
yañcassa bhattaṁ tadetassa dehi
ahañca te kāmakaro bhavāmi.

[1849] Addhā ruru aññataro sataṁ so
yo dubbhino 1 mānusassa na dubbhī
kāmaṁ gharaṁ gacchatu pāpadhammo
yañcassa bhattaṁ tadetassa dammi
ahañca te gāmavaraṁ dadāmi.

[1850] Suvijānaṁ sigālānaṁ sakuntānañca vassitaṁ
manussavassitaṁ rāja dubbijānataraṁ tato
api ce maññatī poso ñāti mitto sakhāti vā
yo pubbe sumano hutvā pacchā sampajjate diso.

[1851] Samāgatā jānapadā negamā ca samāgatā
migā dhaññāni 2 khādanti taṁ devo paṭisedhatu.

[1852] Kāmaṁ janapado māsi raṭṭhañcāpi vinassatu
na tvevāhaṁ ruruṁ dubbhe datvā abhaya pakkhinaṁ.
1 Ma. dubbhato. Yu. dūbhato. 2 Ma. sassāni.

[1853] Mā me janapado āsi mā maṁ janapado ahu 1
na tvevāhaṁ migarājassa varaṁ datvā musā bhaṇeti.
Rurumigajātakaṁ navamaṁ.
--------
10 Sarabhajātakaṁ 2

[1854] Āsiṁsetheva 3 puriso na nibbindeyya paṇḍito
passāmi vohaṁ attānaṁ yathā icchiṁ tathā ahu.

[1855] Āsiṁsetheva 3 puriso na nibbindeyya paṇḍito
passāmi vohaṁ attānaṁ udakā thalamubbhataṁ.

[1856] Vāyametheva puriso na nibbindeyya paṇḍito
passāmi vohaṁ attānaṁ yathā icchiṁ tathā ahu.