[1827] Pappoti macco ativelabhāṇī
bandhaṁ vadhaṁ sokapariddavañca
attānameva garahāsi ettha 1
ācariya taṁ nikkhaṇanti 2 sobbhe.

[1828] Kimevāhaṁ tuṇḍilaṁ anupucchiṁ
kareyyāsaṁ 3 bhātaraṁ kālikāya
naggovahaṁ vatthayugañca jino
ayampi attho bahu tādisova.

[1829] Yo yujjhamānānaṁ ayujjhamāno
meṇḍantaraṁ accupatī kuliṅgo
so piṁsito meṇḍasirehi tattha
ayampi attho bahu tādisova.

[1830] Caturo janā potthakamaggahesuṁ
ekañca posaṁ anurakkhamānā
sabbeva te bhinnasirā sayiṁsu
ayampi attho bahu tādisova.

[1831] Ajā yathā veḷugumbasmiṁ bandhā
avekkhipantī 4 asimajjhagacchi
1 Sī. etto. 2 Ma. ācera yaṁ taṁ nikkhaṇanti. 3 kareyya saṅgahantipi.
Ma. kareyya saṁ. 4 Ma. avakkhipantī.
Teneva tassā galakaṁ vikantā 1
ayampi attho bahu tādisova.

[1832] Nayime devā nāpi 2 gandhabbaputtā
migā ime atthavasābhatā ime 3
ekañca naṁ sāyamāse pacantu
ekaṁ 4 punappātarāse pacantu.

[1833] Sataṁ sahassāna dubbhāsitānaṁ 5
kalampi nāgghati subhāsitassa
dubbhāsitaṁ saṅkamāno kileso
tasmā tuṇhī kiṁpuriso 6 na bālyā.

[1834] Yā mesā byākāsi 7 pamuñcathetaṁ
giriñca naṁ himavantaṁ nayantu
imañca kho dentu mahānasāya
pātova naṁ pātarāse pacantu.

[1835] Pajjunnanāthā pasavo pasunāthā ayaṁ pajā
tvaṁnāthosmi 8 mahārāja amhanāthā mama bhariyā 9
dvinnamaññataraṁ ñatvā mutto gaccheyya pabbataṁ.

[1836] Na ve nindā suparivajjayātha 10
1 Ma. galakāvakantaṁ. 2 Ma. ime na devā na. 3 Ma. atthavasaṁ gatā me.
4 Sī. Yu. ekañca naṁ pātarāse. 5 Ma. sahassāni dubhāsitāni. 6 Ma. kimpurisā.
7 Ma. byāhāsi. 8 Ma. tvaṁ nāthosi. 9 Ma. nāthohaṁ. 10 Ma. suparivajjayetha.
Nānājanā sevitabbā janinda
yeneva eko labhate pasaṁsaṁ
teneva añño labhate ninditāraṁ.