[1877] Kīdisaṁ te iṇadānaṁ iṇamokkho ca kīdiso
1 Ma. oḍḍentu. 2 Sī. Yu. ānayetha. 3 Ma. nidāhasi. 4 Ma. koṭasimbaliṁ.
Nidhinidhānamakkhāhi atha pāsā pamokkhasi.

[1878] Ajātapakkhā taruṇā puttakā mayhaṁ kosiya
te maṁ bhatā bharissanti tasmā tesaṁ iṇaṁ dade.
Mātā pitā ca me vuḍḍhā jiṇṇakā gatayobbanā
tesaṁ tuṇḍena hātūna muñce pubbakataṁ iṇaṁ.
Aññepi tattha sakuṇā khīṇapakkhā sudubbalā
tesaṁ puññatthiko dammi taṁ nidhiṁ āhu paṇḍitā.
Īdisaṁ 1 me iṇadānaṁ iṇamokkho ca īdiso
nidhinidhānamakkhāmi evaṁ jānāhi kosiya.

[1879] Bhaddako vatāyaṁ pakkhī dijo paramadhammiko
ekaccesu manussesu ayaṁ dhammo na vijjati.
Bhuñja sāliṁ yathākāmaṁ saha sabbehi ñātibhi
punapi suva passemu piyaṁ me tava dassanaṁ.

[1880] Bhuttañca pītañca tavassamamhi
rattiñca no kosiya te sakāse
nikkhittadaṇḍesu dadāhi dānaṁ
jiṇṇe ca mātāpitaro bharassu.

[1881] Lakkhī vata me udapādi ajja
yohaṁ adassaṁ 2 paramaṁ dijānaṁ
suvassa sutvāna subhāsitāni
1 Sī. Yu. edisaṁ. 2 Ma. addasāsiṁ pavaraṁ.
Kāhāmi puññāni anappakāni.

[1882] So kosiyo attamano udaggo
annañca pānañcabhisaṅkharitvā
annena pānena pasannacitto
santappayi samaṇabrāhmaṇe cāti.
Sālikedārajātakaṁ paṭhamaṁ.
-----------
2 Candakinnarajātakaṁ 1

[1883] Upanīyatidaṁ maññe cande lohitamaddane 2
ajjāpi 3 vijahāmi jīvitaṁ pāṇā me cande nirujjhanti.
Osadhi 4 me dukkhaṁ hadayaṁ me ḍayhate nitammāmi
tava candiyā socantiyā na naṁ aññehi sokehi.
Tiṇamiva vanamiva milāyāmi nadī aparipuṇṇāva 5 sussāmi
tava candiyā socantiyā na naṁ aññehi sokehi.
Vassamiva sare pāde imāni assūni vattare mayhaṁ
tava candiyā socantiyā na naṁ aññehi sokehi.

[1884] Pāpo kho 6 rājaputto yo me icchitapatiṁ varākiyā
vijjhi vanamūlasmiṁ soyaṁ viddho chamā seti.
Imaṁ mayhaṁ hadayasokaṁ paṭimuñcatu rājaputta tava mātā
1 Ma. candakinnarījātakaṁ. 2 Sī. Yu. lohitamadena majjāmi vijahāmi jīvitaṁ pāṇā.
3 Ma. ajja. 4 Ma. osīdi. 5 Sī. Yu. aparipuṇṇiyāva. 6 Ma. khosi.
Yo mayhaṁ hadayasoko kiṁpurisaṁ avekkhamānāya.
Imaṁ mayhaṁ hadayasokaṁ paṭimuñcatu rājaputta tava jāyā
yo mayhaṁ hadayasoko kiṁpurisaṁ avekkhamānāya.
Mā ca puttaṁ 1 mā ca patiṁ addakkhi rājaputta tava mātā
yo kiṁpurisaṁ avadhi adūsakaṁ mayhaṁ kāmāhi.
Mā ca puttaṁ mā ca patiṁ addakkhi rājaputta tava jāyā
yo kiṁpurisaṁ avadhi adūsakaṁ mayhaṁ kāmāhi.

[1885] Mā tvaṁ cande rodi mā soci vanatimiramattakkhi
mama tvaṁ hehisi bhariyā rājakule pūjitā nārībhi.

[1886] Api nūnāhaṁ marissaṁ nāhaṁ rājaputta tava hessaṁ
yo kiṁpurisaṁ avadhi adūsakaṁ mayhaṁ kāmāhi.