[2087] Pāpāni kammāni karonti bālā 1
idameva 2 seyyo iti maññamānā 3
idhalokadassī paralokaṁ adassī
ubhayattha bālo kalimaggahesi
etampi disvāna ahaṁ vadāmi
paññova seyyo na yasassi bālo.

[2088] Na sippametaṁ vidadhāti bhogaṁ
na bandhavā na sarīrāvakāso
passeḷamūgaṁ sukhamedhamānaṁ
sirīhīnaṁ bhajate goravindaṁ 5
etampi disvāna ahaṁ vadāmi
pañño nihīno sirimāva seyyo.

[2089] Laddhā sukhaṁ majjati appapañño
dukkhena phuṭṭhopi pamohameti
āgantunā sukhadukkhena phuṭṭho
pavedhati vāricarova ghamme
etampi disvāna ahaṁ vadāmi
paññova seyyo na yasassi bālo.

[2090] Dumaṁ yathā sāduphalaṁ araññe
1 Ma. karoti bālo. 2 Ma. idhameva. 3 Ma. maññamāno. 4 Ma. na bandhuvā
na sarīravaṇṇo yo. 5 Sī. Yu. gorimandaṁ.
Samantato samabhisaranti 1 pakkhī
evampi addhaṁ sadhanaṁ sabhogaṁ
bahujjano bhajjati 2 atthahetu
etampi disvāna ahaṁ vadāmi
pañño nihīno sirimāva seyyo.

[2091] Na sādhu balavā bālo sāhasaṁ 3 vindate dhanaṁ
kandantametaṁ dummedhaṁ kaḍḍhanti nirayaṁ bhusaṁ
etampi disvāna ahaṁ vadāmi
paññova seyyo na yasassi bālo.

[2092] Yākāci najjo gaṅgamabhisavanti 4
sabbāva tā nāmagottaṁ jahanti
gaṅgā samuddaṁ paṭipajjamānā
na khāyate iddhiparo 5 hi loke 6
etampi disvāna ahaṁ vadāmi
pañño nihīno sirimāva seyyo.

[2093] Yametamakkhā udadhiṁ mahantaṁ
payanti 7 najjo sabbakālaṁ asaṅkhyaṁ
so sāgaro niccamuḷāravego
velaṁ na acceti mahāsamuddo
1 Sī. Yu. samabhicaranti. 2 Ma. bhajati. 3 Ma. sāhasā. 4 Ma. gaṅgāmabhissavanti.
5 iddhivarotipi. Ma. iddhiṁ paññopi. 6 Sī. Yu. loko. 7 Ma. savanti.
Evampi bālassa pajappitāni
paññaṁ na acceti sirī kadāci
etampi disvāna ahaṁ vadāmi
paññova seyyo na yasassi bālo.

[2094] Asaññato cepi paresamatthaṁ
bhaṇāti saṇṭhānagato 1 yasassī
tasseva taṁ rūhati ñātimajjhe
sirīhīnaṁ 2 kārayate na paññaṁ 3
etampi disvāna ahaṁ vadāmi
pañño nihīno sirimāva seyyo.

[2095] Parassa vā attano vāpi hetu
bālo musā bhāsati appapañño
so nindito hoti sabhāya majjhe
pacchāpi 4 so duggatigāmi hoti
etampi disvāna ahaṁ vadāmi
paññova seyyo na yasassi bālo.

[2096] Atthampi ce bhāsati bhūripañño
anāḷiyo 5 appadhano daliddo
na tassa taṁ rūhati ñātimajjhe
1 Sī. santhānagato. Ma. sandhānagato. 2 Ma. sirī hi naṁ. 3 Ma. paññā. Sī. pañño.
4 Sī. Yu. peccampi. 5 Yu. anālayo.
Sirī ca paññāṇavato na hoti
etampi disvāna ahaṁ vadāmi
pañño nihīno sirimāva seyyo.