[1767] Sace araññaṁ hitvāna vanamūlaphalāni ca
raṭṭhe rocayase vāsaṁ taṁ dhammaṁ nisāmehi me.

[1768] Visaṁ mā paṭisevittha 5 papātaṁ parivajjaya
paṅke ca mā visīdittho yatto āsīvise 6 care.

[1769] Kinnu visaṁ papāto vā paṅko vā brahmacārinaṁ
kaṁ tvaṁ āsīvisaṁ brūhi taṁ me akkhāhi pucchito.

[1770] Āsavo tāta lokasmiṁ surā nāma pavuccati
manuññā 7 surabhī vaggū madhukhuddarasūpamā 8
visaṁ tadāhu ariyā [9]- brahmacariyassa nārada.
1 Ma. cāpi. 2 Ma. ca. 3 Ma. cūḷanāradajātakaṁ. 4 Ma. hāpito.
5 Ma. paṭisevittho. 6 Ma. cāsīvise. 7 Ma. manuñño. 8 Ma. sādu --. 9 Ma. se.

[1771] Itthiyo tāta lokasmiṁ pamattaṁ pamathenti tā
pharanti munino 1 cittaṁ tūlaṁ bhaṭṭhaṁva māluto
papāto esa akkhāto brahmacariyassa nārada.

[1772] Lābho siloko sakkāro pūjā parakulesu ca
paṅko esova 2 akkhāto brahmacariyassa nārada.

[1773] Mahantā 3 tāta rājāno āvasanti mahiṁ imaṁ
te tādise manussinde mahante tāta nārada.

[1774] Issarānaṁ adhipatīnaṁ na tesaṁ pādato care
āsīvisoti 4 akkhāto brahmacariyassa nārada.

[1775] Bhattattho bhattakāle ca yaṁ gehaṁ upasaṅkame
yadettha kusalaṁ jaññā tattha ghāsesanaṁ care.
Pavisitvā parakulaṁ pānattho 5 bhojanāya vā
mitaṁ khāde mitaṁ bhuñje na ca rūpe manaṁ kare.

[1776] Guṭṭhaṁ majjaṁ kirāsañca 6 sabhānikiraṇāni 7 ca
ārakā parivajjehi yānīva visamaṁ pathanti.
Cullanāradakassapajātakaṁ catutthaṁ.
----------
1 Ma. haranti yuvino. 2 Ma. eso ca. 3 Ma. mahattā. 4 Sī. Yu.
āsīviso so. 5 Ma. pānatthaṁ. 6 Ma. goṭṭhaṁ majjaṁ kirāṭañca.
7 sabhādhi. karaṇānītipi.
5 Dūtajātakaṁ